Adam kapıtalyn damytý jáne ult áleýetin arttyrý úshin sapaly bilim men densaýlyq saqtaý ǵana emes, mádenıet jáne ıdeologııa salasyn odan ári damytý sharalary da birge júrýi tıis. Osyǵan baılanysty memleket pen konfessııalar arasyndaǵy qatynastardy jetildirýge nazar aýdarǵym keledi. Mádenıetti damytý, toleranttylyq, beıbitshilik pen kelisim ıdeologııasyn bekemdeýde dinder memleketke kedergi keltirmeı, kómekteskeni jón. Sondyqtan din salasyndaǵy kez kelgen búldirgish áreketten qorǵaýdy qamtamasyz etý úshin jyl basynda Úkimet «Qazaqstan Respýblıkasynyń keıbir zańnamalyq aktilerine dinı qyzmet jáne dinı birlestikter máseleleri boıynsha ózgerister men tolyqtyrýlar engizý týraly» zań jobasyn Parlamentke joldaǵan bolatyn. Zań jobasy memleket pen konfessııaaralyq qatynastar salasyndaǵy zańnamany jetildirýge keshendi jumystardy júzege asyrýdy kózdeıdi.
Qazirgi kezde din halyqtardyń rýhanı qundylyqtary men mádenı kodyn saqtaýǵa járdemdesýde mańyzdy ról atqarady. Sonymen bir ýaqytta adamnyń aldyńǵy qatardaǵy bilimdi meńgerýge, óz halqynyń tarıhyn zerdeleýge jáne mádenıetti damytýǵa umtylysyna qarsylyq bildirmeıdi. Prezıdent N.Á.Nazarbaev óz Joldaýynda «О́ziniń tarıhyn, tilin, mádenıetin biletin, sondaı-aq zamanyna laıyq, shet tilderin meńgergen, ozyq ári jahandyq kózqarasy bar qazaqstandyq bizdiń qoǵamymyzdyń ıdealyna aınalýǵa tıis» degen bolatyn. Sondyqtan bilimdi jáne osy zamannyń kóshine ilesken árbir qazaqstandyq belgilengen sanatqa barynsha jaqyndaýǵa tıis dep oılaımyn.
Sergeı ERShOV,
Parlament Senatynyń depýtaty
