Kórshi memleket mınıstri bul týraly telearnaǵa bergen suhbatynda atap ótken.
«Biz sheteldiń sporttyq azamattyǵyn qabyldaǵan reseılik sportshylardy elimizde asyrap, tárbıelep, jattyqtyrýshy, sporttyq bazalarmen qamtamasyz etemiz. Al olar pasporttaryn tastap, elden ketip qalady. Mundaı adamdardy barlyq jeńildikten aıyryp, elge kirýge jáne bizdiń sport nysandarymyzdy paıdalanýǵa tyıym salý kerek. Biz osy máseleniń zań aıasynda shegelenýine múddelimiz», dedi Degtıarev.
Sondaı-aq ol osy mazmundaǵy jaǵdaılarǵa qatysty talaptardy qatańdatatyn buıryqqa qol qoıǵanyn aıtqan. Onyń sózinshe, sporttyq azamattyǵyn ózgertken bir shahmatshy grossmeıster ataǵynan aıyrylǵan.
Reseı zańyndaǵy bul ózgeris Qazaqstan týynyń astynda da óner kórsetip júrgen álemniń úshinshi raketkasy Elena Rybakına, ATP reıtınginde onynshy orynda turǵan Aleksandr Býblık, mánerlep syrǵanaýshy Sofıa Samodelkına jáne basqa da sportshylarǵa áser etip, olarǵa Reseıge kirýge tyıym salynýy yqtımal.
Aıta keteıik, Elena Rybakına Australian Open-2026 týrnıriniń jeńimpazy atanyp, Memleket basshysy otandasymyzdy jeńisimen quttyqtady.
