Birinshi sette eki tennısshi de óz dop berý geımderin senimdi ótkizdi. Alaıda esep 4:4 bolǵan sátte Pýtınseva breık jasap partııany óz paıdasyna sheshti.
Ekinshi sette tartys kúsheıe tústi. Oıyn barysynda qarsylastar bir-biriniń dop berýin birneshe ret buzdy. 4:5 esebinde Valentova sheshýshi breık jasap, sette jeńiske jetti.
Sheshýshi úshinshi sette Pýtınseva basymdyqqa ıe bolyp, matchty 6:3 esebimen aıaqtady.
Endi kelesi kezeńde qazaqstandyq tennısshi Marta Kostıýkpen kezdesedi. Buǵan deıin olar bir ret oınap, jeńis Kostıýkke buıyrǵan edi.
Ústel tennısi: Kırıll Gerasımenko el chempıonatynda úsh altyn enshiledi
Mutua Madrid Open – 2002 jyldan beri ótkizilip kele jatqan álemdegi bedeldi jarystardyń biri. Ol ATP-1000 jáne WTA-1000 sanatyna kiredi. Bıylǵy týrnırde chempıondyq ataqty Kasper Rýýd pen Arına Sobolenko qorǵap jatyr.
Jarystyń jalpy júlde qory – 9,6 mıllıon AQSh dollarynan asady.
