foto: Mańǵystaý oblysy ákimdigi
Polısııanyń málimetinshe, áleýmettik jelilerdi baqylaý kezinde tabıǵı aýmaqtaǵy tastarǵa jazý jazylǵany anyqtalǵan. Jas jigit jartas betine óziniń esimi men kóliginiń memlekettik nómirin qaldyrǵan.
Osy derek boıynsha vandalızm faktisi tirkelip, is qozǵaldy. Sot sheshimimen oǵan 25 táýlikke qamaý jazasy taǵaıyndaldy. Qazirgi ýaqytta ol ýaqytsha ustaý ızolıatorynda otyr.
Oqıǵa Ybykty Saı aýmaǵynda bolǵany anyqtaldy. Keıinnen kúdikti anyqtalyp, is materıaldary sotqa joldanǵan. Sondaı-aq ol jazǵan jazýlardy óshirip, aýmaqty bastapqy qalpyna keltirgen.
IIM tabıǵı, tarıhı jáne mádenı eskertkishterge jazý jazý zańǵa qaıshy ekenin eskertip, mundaı áreketter ákimshilik nemese qylmystyq jaýapkershilikke ákeletinin málimdedi.
Eske salaıyq, osydan eki jyl buryn dál osy Ybyqty-Saıǵa qyzynyń atyn oıyp jazǵan sheneýnik qyzmetinen ketken bolatyn.
