Osynsha ýaqyttan beri respýblıkanyń birinshi tulǵasynyń ekonomıkalyq jáne áleýmettik saladaǵy jetken jetistikterdi qamtıtyn jáne naqty kórsetkishterimen bekitiletin, sondaı-aq ári qaraıǵy qysqamerzimdi, ortamerzimdi, uzaqmerzimdi basymdyqtar men josparlar, baǵyt-baǵdarlarǵa beıimdelgen halyq aldyndaǵy esep berýi dástúrli túrde ótip keledi.
Bıyl bul qujat damyǵan elderde oryn alyp jatqan tórtinshi ónerkásiptik revolıýsııaǵa baǵyttaldy. Qazaqstan da osy úderistiń údesinen tabylýy tıis. Eń mańyzdysy, bul jospar bir jaǵynan ulttyq damý ıdeologııasyn jan-jaqty qamtysa, ekinshi jaǵynan alǵanda josparly keleshekti júzege asyrýdy qamtamasyz etýge, ony naqty resýrstar júıesimen bekitýge ózek bolyp otyr. 2025 jylǵa deıingi Qazaqstan Respýblıkasyn damytýdyń strategııalyq jospary men «Qazaqstan-2050» Strategııasy óte mańyzdy baǵdarlamalyq qujattar ekeni belgili. Bıylǵy Joldaý osy baǵdarlamalardy oryndaý tetikterin baıyta tústi.
Joldaýda on negizgi basymdyq aıtyldy. Sonyń ishinde jańa tehnologııalardy engizý, ınnovasııalyq ortalyqtar men tehnologııalar transfertin qurý, qazaqstandyq ónerkásiptik kásiporyndardy sıfrlandyrý, menshikti ekojúıeniń sıfrlandyrylǵan jáne basqa da ınnovasııalyq sheshimderin tabý, IT men ınjırıngtik qyzmetti damytýǵa negizdelgen ındýstrııalandyrý maqsatyna basymdyq berilip otyr.
Sonymen birge ónerkásiptiń ınnovasııalyq damýy sheńberinde áleýmettik táýekelderdiń týýyna baılanysty máselelerdi de esepke alýymyz kerek. Máselen, aýqymdy jumys kúshi jumys ornynan bosaýy múmkin. Osy rette olardy eńbekke ornalastyrý saıasatyn damytý úderisin qalyptastyrý qajettiligi baıqalady.
On mindettiń barlyǵy bir-birimen tyǵyz baılanysty. Bul rette adam kapıtalyn jańǵyrýdyń negizi retinde damytýǵa arqa súıegen abzal.
Gagık ARÝTIýNIаN,
«Noravank» ǵylym-bilim qorynyń dırektory
EREVAN (Armenııa)
