Dastarqan toly nan-toqash

Oblys ortalyǵynda el Táýelsizdiginiń 20 jyldy­ǵyna arnalǵan oblys ákim­diginiń uıymdastyrýymen «Be­­reke bastaýy – nan» atty  festıval bolyp ótti. Aýyl-aýyldan, qalalardan kelgen  nan pisirýshiler óz ónimderin kópke tanystyryp bir jasap qaldy. Qara nan, aq nan deısiz be, syrtyna bal jaǵylǵan tátti toqashtar merekeniń sáni men mánine aınaldy. As atasy – nannyń dastarqanǵa qandaı eńbekpen kelip jetetinin osyndaı asta-tók molshylyq pen bereke-birlikti, tatýlyqty aı­qyndaıtyn merekeler uq­tyrar. Bıyl oblysta 400 myń tonnadan astam astyq jınaldy. Astyq baǵasy   arzan. Jıyn-terin ýaqyty da aıaqtaldy. Bul merekeni  ob­lystyń aýylsharýashylyq jylyn qorytyndylaǵan jıy­ny dep te  aıtýǵa bolar. Dı­qandar men naýbaıshylar, ká­sipkerler, unnan túrli tát­tiler jasaıtyndar ózderi ósirip, ózderi pisirgen nan-toqash, baýyrsaq, bálish-samsalardyń túr-túrin áke­lip, osy merekeli kúnniń mejeli sátine tartý jasaǵandaı boldy. Aýylsharýashylyq kór­mesine 200-ge jýyq nan-toqash  ónimderi qoıyldy. Un tartýshy kásiporyndar men naýbaıhanalar, dúkender sa­ny kóbeıgenin osydan-aq baıqaýǵa bolady. Mysaly, Ekibastuzda táýligine 24 myń bólke nan shyǵaratyn «Ener­gııa Kapıtal» kásiporny qu­ryldy.  Al, túrli táttiler, nan-toqash pisiretin sharýa qojalyǵynyń basshysy Nur­jamal Qarashasheva pisiretin ónimderdi sharbaqtylyqtar jaqsy biledi.  Aleksandr Polıakov basqaratyn «Pobeda» seriktestigi salmaǵy birneshe   kılo tartatyn «Karavaı» na­nyn pisirip ákelipti. Seriktestik birneshe jyl boıy bı­daı­dyń elı­talyq túrlerin ósirý­men aınalysady. Sony­men birge, Pavlodar aýdany­nyń jeke kásipkeri Anna Soldatova nan-toqashtardyń 8 tú­rin pisiredi. Kúnine bir myń bólke nan shyǵarady.  Aýyl­daǵy dú­keninde kúnine 400 bólke nan satylatyn kórinedi. Zeınetkerlerge 10 paıyzdyq jeńil­dik berilgen. Festıvalǵa qatysýshylar «úzdik nan-to­qash ónimderi kórmesi úshin», «ónim túrlerin kó­beıtkeni jáne marketıng saıa­satyn jetildirgeni úshin», «úzdik naý­baıshy», «úzdik kon­dıter» jáne  basqa  ata­lym­dar boıyn­­sha marapattaldy. Farıda BYQAI, Pavlodar.