-2017 jyly ónerkásip óndirisiniń kólemi 521,4 mlrd. teńgeni qurady.Aýyl sharýashylyǵy ónimderiniń jalpy kólemi 1759,8 mln. teńge somasynda óndirildi.«Bıznestiń jol kartasy-2020» baǵdarlamasy aıasynda jalpy somasy 123,2 mln. teńge 4 jobaǵa memlekettik qoldaý kórsetildi.2017 jyly 4245 jańa jumys orny quryldy.Aýdanda 7 memlekettik medısınalyq mekeme, 11 balabaqsha, 6 jekemenshik mektepke deıingi mekeme, 9 jalpy bilim beretin mektep bar.Úsh aýysymdyq oqytýdy joıý úshin 2018 jyldyń qyrkúıek aıynda Saıyn Shapaǵatov aýylynda 600 oryndyq orta mektep paıdalanýǵa beriledi. Sondaı-aq, Aqshuqyr aýylynda 600 oryndyq orta mekteptiń qurylysy úshin jobalyq-smetalyq qujattama daıyndaldy, dedi Túpqaraǵan aýdanynyń ákimi Temirbek Asaýov.
Aımaq basshysynyń Qyzylózen aýylynyń turǵyndarymen kezdesýi barysynda ishki joldardy jóndeý máselesi kóterildi. Qazirgi ýaqytta jobalyq-smetalyq qujattama ázirlenýde. Aýylǵa sý tasıtyn kólikter arqyly sý jetkiziledi. Aýyz sýmen qamtamasyz etý úshin 7592,8 myń teńgege jobalyq-smetalyq qujattama ázirleý kerek. Eraly Toǵjanov qarjyny naqtylapJSQ-ǵa bólý týraly nusqaý berýdi tapsyrdy.Sondaı-aq, aýyl turǵyndary jergilikti mektepterdegi muǵalimderdiń jetispeýshiligi, ınternet jelisimen qamtý jáne aýyl jastaryn jumysqa ornalastyrý máselelerine qatysty suraqtar qoıdy.
-Biz jastarǵa óz bıznesin qalaı bastaý kerektigin úıretýimiz qajet. Eger durys baǵyt kórsetilse, jastarymyz tabysqa jetedi. Sondyqtan oqýǵa daıyn jáne úırenýge nıetti jastardy jınap, bıznes júrgizý boıynsha Aqtaýda kýrstar nemese trenıngter uıymdastyrý kerek», - dedi oblys ákimi Eraly Toǵjanov.
Baýtın aýylynyń turǵyndar sany - 4,554 adam. «Nurlyjol» baǵdarlamasy aıasynda respýblıkalyq bıýdjet qarajaty esebinen «Fort-Shevchenko qalasy men Baýtın aýylynsýmen jabdyqtaý jáne kárizdik júıelerdi engizý» jobasy iske asyrylýda. Osy maqsatta 1450,4 mln. teńge bólinip, ıgerildi.Aýylda 52 sharýashylyq obektisi, 8,5 myń mal basy bar. Baýtın aýylynda 50 kásipker balyq aýlaýmen aınalysady.Aýyl turǵyndary balyq aýlaýǵa sýbsıdııa qarastyrýdy surady.Olardyń aıtýynsha, bul balyq sharýashylyǵyndaǵy ózekti máselelerdi sheshýge kómektesedi.Baýtın aýylynyń ákimi Dáýletkereı Meńdihanov qazir aýylda balyq qabyldaý pýnkti, konservileý sehteri úshin daıyndyq jumystary júrgizilip jatqandyǵyn málimdedi. Tehnıkalyq-ekonomıkalyq negizdeme daıyn bolǵannan keıin, barlyq jobalar ınvestorlarǵa usynylady.Sondaı-aq, Agro-Kredıttik korporasııasymen yntymaqtastyq negizde jumys isteý qarastyrylýda.
Túpqaraǵandaǵy irgeli sharýashylyqtyń biri - Begesh jerindegi mal ósirýmen aınalysatyn sharýashylyq. Sándibek Qosýaqovtyń fermasynda 3,5 myń qoı, 300 sıyr, 300 jylqy bar. О́tken jyly jeke kásipkerge 15 mıllıonnan astam teńge sýbsıdııa berildi.
-Sharýashylyqty damytý úshin 500 mln. teńgeden astam jeke ınvestısııa jumsaldy. Sondaı-aq biz 17 km elektr energııasyn tarttyq, eń bastysy – mal satyp aldyq. Bizdiń sharýashylyqta 43 adam jumys isteıdi. Bıylǵy josparymyz – mal sanyn 10 myńǵa deıin arttyrý, dedi Sándibek Qosýaqov.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
