The New York Times
Birikken Ulttar Uıymynyń shtab-páterinde Nursultan Nazarbaev ıadrolyq qarýdan bas tartý arqyly Qazaqstannyń halyqaralyq bedeliniń artqanyn jetkizip, Soltústik Koreıa máselesine qatysty mańyzdy máseleler týraly aıtty.
Qazaqstan Prezıdenti Nursultan Nazarbaevtyń tóraǵalyǵymen ótken Qaýipsizdik Keńesiniń joǵary deńgeıdegi pikirtalasynda jappaı qyryp-joıatyn qarýdy taratpaý taqyryby talqylandy. Onda Nursultan Nazarbaev senim ahýalyn qalyptastyrýdyń jáne Phenıannyń kelissóz ústeline oralýynyń mańyzdy sharty retinde «ıadrolyq bestiktiń» KHDR-diń qaýipsizdigine kepildik berýin jaqtaıtynyn aıtty. Prezıdenttiń aıtýynsha, múddeli taraptar qajet etken jaǵdaıda, Qazaqstan kelissóz alańyn usynýǵa daıyn. Sonymen qatar Qazaqstan Prezıdenti Soltústik Koreıanyń ıadrolyq qarýǵa umtylýyn AQSh, Reseı men Qytaı arasyndaǵy senimdi nyǵaıta otyryp sheshý kerek ekenin aıtty.
«Qazaqstannyń ıadrolyq qarýsyz joly ózge elderge úlgi ári tájirıbe túrǵysynan kómek bolar edi. Biz táýelsiz el bolyp, memleketimizdi nyǵaıttyq. Iаdrolyq qarýdan bas tartyp jáne ıadrolyq derjavalardan shabýyl jasamaý kepildigin alyp, joǵary bedelge ıe boldyq. Osy rette, Soltústik Koreıa basshylyǵyn bizdiń jolymyzben júrýge shaqyramyz», dedi Prezıdent.
ABC News
Birikken Ulttar Uıymy Qaýipsizdik Keńesindegi Qazaqstannyń tóraǵalyq etýindegi negizgi shara «Jappaı qyryp-joıatyn qarýdy taratpaý: sharalar men senim» atty taqyryppen ótken otyrys boldy. Qazaqstan Prezıdenti N.Nazarbaevtyń tóraǵalyǵymen ótken jıyn jahandyq kún tártibindegi eń ózekti máselege arnaldy.
Keńes otyrysynda Nursultan Nazarbaev Soltústik Koreıanyń ıadrolyq problemasyn retteýdiń mańyzy zor ekenine toqtaldy jáne Koreıa túbegindegi qazirgi oqıǵalar tereń qarama-qaıshylyqtyń bar ekenin kórsetetindigin aıtty. «Soltústik Koreıanyń ıadrolyq problemasyn retteýde jyldam ári konstrýktıvti tásil qoldanýdy usynamyn. Senim ahýalyn qalyptastyrýdyń jáne Phenıannyń kelissóz ústeline oralýynyń mańyzdy sharty retinde «ıadrolyq bestiktiń» KHDR-diń qaýipsizdigine kepildik berýin jaqtaımyz. Múddeli taraptar qajet etken jaǵdaıda Qazaqstan kelissóz alańyn usynýǵa daıyn», dedi N.Nazarbaev.
Associated Press
BUU Bas hatshysy Antonıý Gýterrısh Birikken Ulttar Uıymy Qaýipsizdik Keńesinde Qazaqstan Prezıdenti N.Nazarbaevtyń tóraǵalyǵymen ótken jıynǵa qatysyp, ıadrolyq qarýdyń qaýpi jyldan-jylǵa artyp kele jatqanyn aıtty. Otyrysty qańtar aıyndaǵy QK Tóraǵasy Qazaqstan tarapy uıymdastyrdy. Bul memleket 1991 jyly táýelsizdigin alǵan soń álemdegi tórtinshi ıadrolyq arsenaldan bas tartqan bolatyn.
Nursultan Nazarbaev Keńes otyrysynda Soltústik Koreıaǵa beıbit joldy tańdaýdy usyndy. «Biz ıadrolyq qarýsyz-aq táýelsiz memleketimizdi damytyp, halyqaralyq arenada bedelimizdi arttyra aldyq», deı kele N.Nazarbaev AQSh, Reseı, Qytaı, Ulybrıtanııa men Fransııany KHDR-diń qaýipsizdigine kepildik berýin jaqtaıtynyn aıtty. Sonymen qatar ol ıadrolyq qarýdy taratpaýǵa qatysty birqatar júıeli sharalar usyndy.
The Washington Post
BUU Qaýipsizdik Keńesinde Qazaqstannyń tóraǵalyǵymen ótken joǵary deńgeıli otyrysta N.Nazarbaev jappaı qyryp-joıý qarýy bar elderdiń kóbeıýi ıadrolyq, hımııalyq, bıologııalyq jáne radıologııalyq qarýdyń destrýktıvti kúshterdiń qolyna túsý qaýpin týdyratynyn aıtty. Sonymen qatar ol ıadrolyq qarýdy taratpaýǵa qatysty birneshe shara usynyp, Soltústik Koreıanyń ıadrolyq problemasyn sheshýdiń mańyzy zor ekenin jetkizdi.
Prezıdent Nursultan Nazarbaev múddeli taraptardyń Soltústik Koreıa máselesin neǵurlym jyldam ári konstrýktıvti jolmen sheshýge shaqyrdy. «Senim ahýalyn qalyptastyrýdyń jáne Phenıannyń kelissóz ústeline oralýynyń mańyzdy sharty retinde «ıadrolyq bestiktiń» KHDR-diń qaýipsizdigine kepildik berýin jaqtaımyz. Múddeli taraptar qajet etken jaǵdaıda, Qazaqstan kelissóz alańyn usynýǵa daıyn», dedi N.Nazarbaev.
The Herald Online
Qańtar aıynda BUU Qaýipsizdik Keńesiniń Tóraǵasy retinde Qazaqstan óte mańyzdy otyrys uıymdastyryp, jappaı qyryp-joıý qarýlaryn taratpaý týraly aıtty. Keńes Odaǵy ydyraǵan soń Qazaqstan erikti túrde keńestik ıadrolyq zymyrandardy óz terrıtorııasynan alyp tastaýǵa kelisip, ıadrolyq qarýdy taratpaý týraly shartqa qosyldy. Iаdrolyq qarýdan bas tartý arqyly Prezıdent Nazarbaev álemniń ózge elderine úlgi kórsetti. Endi, mine, BUU Qaýipsizdik Keńesinde Qazaqstan Soltústik Koreıany beıbit joldy tańdaýǵa shaqyrdy.
«Kúsh ıadrolyq bomba men raketalarda emes. Álemdi tek halyqaralyq qoǵamdastyqtyń senimi qorǵap qala alady. Qazaqstannyń ıadrolyq qarýsyz joly ózge elderge úlgi ári tájirıbe turǵysynan kómek bolar edi. Biz táýelsiz el bolyp, memleketimizdi nyǵaıttyq. Iаdrolyq qarýdan bas tartyp jáne ıadrolyq derjavalardan shabýyl jasamaý kepildigin aldyq. Osy rette Soltústik Koreıa basshylyǵyn bizdiń jolymyzben júrýge shaqyramyz», dedi Nursultan Nazarbaev.
Daıyndaǵan
Gúlnur QÝANYShBEKQYZY,
«Egemen Qazaqstan»
