Eki aýyr qylmys áshkerelendi

Qalanyń ortalyǵyndaǵy ámbebap saýda bazary mańynan kúni boıy qańǵyp júr­gen eki-úsh jas shamasyndaǵy Samıra esimdi búldirshindi bazar kúzetshileri baıqap qa­lyp, polısııa qyzmetkerlerin shaqyrtqan. Ata-anasynyń qaraýynsyz qalǵan búl­dirshin qyzdyń mynandaı kúnniń sýyǵynda densaýlyǵyna qaýip-qater kelgen joq pa degen kúdikpen tártip saqshylary óz kezeginde balalar aýrýhanasyna jetkizgen. Sol kú­ni keshkisin jergilikti telearnadan qyzdyń sýretin kórsetip, ata-anasyna izdeý salyndy. Qaıǵyly oqıǵa qazannyń 13-inen 14-ine qaraǵan túni oryn alǵan. Arys­tan otbasynda janjal shyǵaryp, kelinshegine basqa bir áıelge úılengisi keletinin aıtady. Urys-keris kezinde ol kelinshegin qylǵyn­dyryp óltirip, máıitin teledıdardyń qorabyna salyp, úıiniń aýlasyna kómgen. Al qyzyn 15 qazan kúni Oraldaǵy bazarǵa tastap, ózi Aqsaı qala­syna tartyp otyrǵan. Jergilikti buqaralyq aqparat quraldarynda sýreti jarııalanǵan sábıdi ta­ny­ǵan Zelenyı aýylyndaǵy kórshileri jergilikti polısııamen habarlasyp, qyz­dyń ata-anasynyń telefon nómirleri anyqtalady. Alaıda, ákesi Arystanǵa ha­barlasqanda, ol óziniń Máskeý qalasynda júrgenin, taıaýda Oralǵa keletinin aı­typ jaltarǵan. Al 30 qazan kúni qyzyn kórýge kelgen sátinde ol qazirgi ýa­qytta kelinshegimen birge turmaıtyndyǵyn jáne kelinsheginiń balany qasaqana tastap, Almaty qalasyndaǵy óz anasyna ketip qalýy múmkin degen jalǵan aq­pa­rat beredi. Biraq, jaýap alý kezinde keıbir suraqtarǵa múdirip, kúdik týdyrady. Ná­tı­je­sinde, polısııa qyzmetkerleri qaıǵyly oqıǵanyń betin ashyp, qyl­mys­ker ki­ná­sin moıyndaıdy. Oblystyq IID krımınaldyq polısııa qyzmetkerleri taǵy bir adam óltirý oqıǵasyn áshkereledi. Bıylǵy 28 qazanda Atyraý oblysynyń Inder aýdanynyń turǵyny 1968 jyly týǵan Abıda esimdi saýdager kelinshek Oral qalasyna kelip, «Mırlan» bazarynda óndiristik jáne azyq-túlik taýarlaryna kóterme saýda jasaǵan. Keıin J.Dosmuhamedov kóshesinde ornalasqan qoımaǵa barǵanda qaraqshylardyń qolynan qaza bolǵan. Oblysta jyl basynan beri 9 áıel óltirý oqıǵasy tirkelse, sonyń beseýi otbasyndaǵy janjaldyń saldarynan oryn alǵan. Fatıholla MAShTAQOV, polısııa polkovnıgi. Batys Qazaqstan oblysy.