Naýaı murasy nasıhattaldy

«Astana qalasynyń О́zbek etnomádenı ortalyǵy» men atalmysh kitaphana birlesip ótkizgen is-shara Qazaqstandaǵy О́zbekstan jyly aıasynda júzege asyrylǵan. Eki el arasyndaǵy mádenı qarym-qa­tynasty odan ári nyǵaıtý, til men mádenıetti saqtaý jáne da­mytý, ádebıetke degen qyzyǵý­­shylyqty qalyptastyrý maq­satynda qolǵa alynǵan shara­ǵa Qazaqstan Parlamenti Máji­lisi­niń depýtattary, Halyqaralyq Túrki akademııasy, О́zbekstan, Tú­r­kııa, Ázerbaıjan jáne Qyr­ǵyz Respýblıkalarynyń Qazaq­stan­daǵy elshilikteriniń ókil­deri, QHA músheleri, qoǵam qaı­rat­ker­le­ri jáne etnomádenı birles­tik­ter­diń ókilderi qatysty.

Jıynnyń betashar sózin sóı­legen Parlament Májilisiniń depý­taty Saýytbek Abdrahmanov Álisher Naýaıdiń álemdik tulǵa eken­digi haqynda jáne baýyrlas qazaq pen ózbek arasyndaǵy Naýaı murasy ortaqtastyratyn kóptegen rýhanı qundylyqtar jaı­ly keń kólemde áńgime órbitti.

«Naýaıdiń uly eńbekteriniń biri – orys ádebıetindegi Pýsh­kın­niń uly eńbegimen uqsas. Pýsh­kınniń aldynda orys tili óte kúrdeli qubylystardy berýge dár­mensiz til, shyn ádebıettiń tili fransýz tili degen uǵym ornyǵa bastaǵan kez bolatyn. «Evgenıı Onegınnen» keıin baryp orys­tar ózderiniń tiliniń qudiretin tanyǵan. Álisher Naýaı zamanynda da túrki tili ekinshi qatarda bo­lyp kelgen. Naýaı óziniń jaz­balarynda «meniń ómirlik murat­ta­rymnyń bireýi túrki tiliniń mártebesin kóterý» dep aıtady. Sóıtip Álisher Naýaıdiń arqa­syn­da túrki tili parsy tilimen teń turyp ǵajaıyp shyǵarmalar ja­zyl­ǵan», dedi S.Abdrahmanov.

Osymen ekinshi márte ótkizilip otyrǵan bul kesh eki el arasyndaǵy mádenıetaralyq, gýmanıtarlyq jáne kitaphanalyq baılanystar­dy nyǵaıtý maqsatynda da úl­­ken mańyzǵa ıe bolyp taby­la­­dy. О́z sózinde Astana qa­la­­sy­nyń О́zbek etnomádenı orta­lyǵynyń tóraǵasy Sherzod Bolatov «Elbasymyz aıtqan n­a­ǵyz «Rýhanı jańǵyrý» ulttyq ádebıetke uly ózgerister ákelgen belgili tulǵalardy nasıhattaý­dan bastaý alady. Biz Álisher Naý­aıdy sondaılyq tulǵa der edik. Dástúrli túrde ár jyldyń 9 aqpany, ıaǵnı Álisher Naýaıdiń tý­ǵan kúninde halyqaralyq deń­geıde osy jıyndy ótkizip tur­maq­shy­myz», dep atap ótti.

Ulttyq kitaphananyń dırek­tory Úmithan Muńalbaeva bolsa «Aldaǵy ýaqytta О́zbek­stan mem­leketiniń Ulttyq kitap­ha­na­synda Qazaqstan ádebıeti men má­denıeti ortalyǵyn ashýdy usyn­a­myz. Ortalyqtardyń ashylýy biz­diń qarym-qatynasymyzdy nyǵaıtýdyń mańyzdy qadamy bolar edi. Ol eki memleket hal­qy­nyń ádebı shyǵarmashylyq eń baı murasymen tanysý múm­kin­digi jáne olardyń arasyn­da­ǵy eń mańyzdy faktorlar men halyqtardyń senimine ıe bo­lý­ǵa septigin tıgizedi. Bul jo­ba­­lardyń bastamasy retinde byl­tyr «Kitaphanalyq týrızm» jo­ba­synyń aıasynda bizdiń qyz­met­ker­le­rimiz Álisher Naýaı atyn­da­ǵy Ulttyq kitaphanaǵa baryp ta qaıt­ty», dedi.

Mıras ASAN,
«Egemen Qazaqstan»