«Memleket basshysynyń keńeıtilgen Úkimet otyrysynda bergen tapsyrmalaryna qatysty kelesini baıandaýdy ruqsat etińiz. Latyn álipbıine kezeń-kezeń boıynsha kóshýdiń jospary ázirlendi. Birinshi kezeń - 2018-2020 jyldary normatıvtik-quqyqtyq bazany jetildirý boıynsha daıyndyq jumystary men is-sharalar júrgiziletin bolady. Latyn grafıkasy negizinde jańa qazaq álipbıinde durys jazý qaǵıdalary, mátindi latyn álipbıine aýdarýdyń IT qosymshalary ázirlenedi», - dedi vıse-mınıstr.
Erlan Qojaǵapanov ekinshi kezeń 2021-2023 jyldardy qamtıtynyn atap ótti.
«2021-2023 jyldary latyn grafıkasy negizinde memlekettik tilde Qazaqstan Respýblıkasynyń tólqujatyn, jeke kýáligin jáne basqa da qujattardy berýdi qamtamasyz etý kózdelgen. Fılologtar men ǵalym-lıngvısterdi tarta otyryp, ortalyqtardyń oqytýshylary men eresek halyqty úıretý úshin semınarlar men leksııalar, kýrstar uıymdastyrylady. Úshinshi kezeń 2024-2025 jyldary memlekettik organdarynyń, bilim berý uıymdarynyń, memlekettik BAQ jáne baspalardyń qujat aınalymdaryn kezeńmenen kóshirý josparlanǵan. Mınıstrlik janynda jumysty úılestirý maqsatynda «Til qazyna» ortalyǵy qurylýda», - dep túıdi Erlan Qojaǵapanov.
