Zań jobasyn talqylaý kezinde depýtattar shetelge shyǵatyn kezdegi týrısti saqtandyrý máselesine nazar aýdardy. Halyq qalaýlylarynyń pikirinshe, shetelge shyqqanda týrıster óz problemalarymen ózderi ǵana qalmaýy kerek.
– Bizdiń kóptegen azamattarymyz qazirgi ýaqytta óz demalystaryn týrıstik joldama boıynsha shetelde ótkizedi. Árıne, ol jaqta júrgen kezde ártúrli jaǵdaılar bolýy múmkin. Aýyryp qalady nemese basqa jaǵdaılar oryn alýy múmkin. Biraq ta, eń bastysy - týrıstik joldama boıynsha shetelde júrgen azamattarymyzdy osy kezeńde tolyqtaı saqtandyrý qajet. Sondyqtan, osy máseleni ekinshi oqylymǵa deıin qaraýymyz qajet, - dedi Nurlan Nyǵmatýlın.
Qoldanystaǵy zań negizinen týrıstiń emes, týroperator men týragenttiń múliktik múddelerin qorǵaýǵa baǵyttalǵan bolatyn. Endigi jerde, osy zań jobasyna sáıkes, qazaqstandyq týrısterdi qorǵaý maqsatynda týrıstik fırmalar shetelge shyǵatyn týrısti mindetti saqtandyrýdy júzege asyrý kózdeletin bolady.
