Onyń aıtýynsha, keıbir azamattar áleýmettik jeli arqyly «Áýrege túskenshe, ózge eldiń Konstıtýsııasyn kóshirip ala salý kerek qoı» degen de pikirlerin joldap jatyr.
«Sońǵy ýaqytta sıfrlandyrý, sıfrlyq tehnologııa sekildi múlde jańa baǵyttardyń damyp, órkendeýine baılanysty kóptegen memleketter tıisti normalardy konstıtýsııalyq-quqyqtyq júıege engizýdi oılastyrýda. Bizdiń el alǵashqylardyń biri bolyp sıfrlyq derekterdi qorǵaý normasynKonstıtýsııaǵa engizip otyr. Iаǵnı, jańa mátindegi jańa ustanymdar men normalar basqa elderge úlgi de baǵdar da bola alady», dep atap ótti Erlan Qarın.
Memlekettik keńesshi Konstıtýsııanyń 21-babynyń 1 jáne 2 tarmaqtarynda jeke ómirge qol suqpaý quqyǵyna, jeke jáne otbasy qupııasynyń bolý quqyǵyna, derbes derekterdi zańsyz jınaýdan, óńdeýden jáne paıdalanýdan qorǵaý quqyǵyna zańmen kepildik beriletinin aıtty.
«Iаǵnı, sıfrlyq keńistikte jeke derekterdi qorǵaýdy adam quqyqtaryn qorǵaýdyń jańa ólshemi retinde tuńǵysh ret Konstıtýsııada belgilep otyrǵan elderdiń birimiz. Bul – jańa Konstıtýsııanyń bolashaqqa baǵyttalǵandyǵynyń taǵy bir dáleli», dep naqtylap ótti ol.
Erlan Qarınniń aıtýynsha, aımaqtyń quqyqtyq júıesindegi úlken jańashyldyq – áıgili Mıranda erejesiniń konstıtýsııalyq deńgeıde bekitilýi. Bul ózgeris azamattardyń quqyqtyq turǵydan qorǵalýyn arttyryp, quqyq qorǵaý organdarynyń qyzmetine jańa talaptar qoıady.
Konstıtýsııalyq komıssııada jańa Ata Zańdy búkilhalyqtyq referendýmǵa shyǵarý usynyldy
Sonymen qatar jańa saıası ınstıtýttardyń engizilýi – Ortalyq Azııa aımaǵy úshin ǵana emes, jalpy aınalamyzdaǵy úlken keńistik úshin de saıası jańashyldyq bolyp sanalady. Erlan Qarın bul turǵyda bir palataly parlament, vıse-prezıdent ınstıtýty, «Halyq keńesi» joǵary konsýltatıvtik organy, Konstıtýsııalyq sottyń engizilýi – kóptegen elderdiń saıası júıesimen salystyrǵanda, úlken saıası ınnovasııalyq qadam ekenin atap ótti.
«Prezıdent usynǵan konstıtýsııalyq ózgeristerdi tek qana jalpyhalyqtyq referendým arqyly júzege asyrý bastamasy da – bizdiń aımaq úshin mańyzdy sheshimderdiń biri. Kóptegen laýazymdy tulǵalardyń qyzmetine qatysty bir rettik merzim belgileý de – Ata Zań jobasyndaǵy mańyzdy jańashyldyqtyń biri», dep túsindirdi Memlekettik Keńesshi.
Sondaı-aq Memlekettik Keńesshi atap ótkendeı, áıelder men balalardyń quqyǵyn qorǵaý, qorshaǵan ortany – tabıǵatty aıalaý, volonterlik, ata-analarǵa jaýapkershilik sekildi qoǵamdyq damýda paıda bolyp otyrǵan jańa talaptar, qundylyqtar jańa Ata Zańda qamtyldy. Bul da jańa Konstıtýsııanyń qoǵamnyń qazirgi jaǵdaıyna, damý deńgeıine sáıkes ekenin kórsetedi.
Jańa Konstıtýsııa mátinin Braıl qarpimen jazý usynyldy
«Jańa Ata Zańdaǵy birqatar saıası jáne ınstıtýsıonaldyq jańashyldyqtar aımaqtaǵy jáne álemdik konstıtýsııalyq tájirıbede sırek kezdesedi. Túıindep aıtqanda, basqa elderdiń Konstıtýsııasyn kóshirý, qaıtalaý – bizdiń jolymyz emes. Kerisinshe, keleshekte Qazaqstan jańa Konstıtýsııa arqyly ózge elderge ózindik úlgi, baǵdar bolmaq», dep qorytyndylady sózin Erlan Qarın.
