Mundaı jaýapty laýazymǵa Qazaqstannyń saılanýy DSU-ǵa múshe memleketterdiń Prezıdent Nursultan Nazarbaevtyń basshylyǵymen qolaıly ınvestısııalyq klımat qurý jáne Qazaqstandaǵy qyzmetter naryǵyn damytý maqsatynda júrgizilip jatqan reformalarǵa senimin dáleldeıdi.
Qazaqstannyń BUU jáne basqa da halyqaralyq uıymdar janyndaǵy Turaqty ókili Janar Aıtjanovanyń aıtýynsha, Dúnıejúzilik saýda uıymyna kirý kezinde Qazaqstan qarjylyq, telekommýnıkasııalyq jáne energetıkalyq qyzmetter sııaqty negizgi ekonomıkalyq sektorlarǵa sheteldik kompanııalarǵa qol jetkizý úshin otandyq qyzmetter naryǵyn kezeń-kezeńmen yryqtandyrýǵa qatysty aıtarlyqtaı mindettemeler aldy.
Bul turǵyda, Tóraǵalyq barysynda Qazaqstan jańadan qosylǵan elder úshin teń básekelestik jaǵdaılardy jasaýǵa umtylatyn bolady jáne DSU-ǵa qurýshy elderdiń qyzmet sektoryn odan ári yryqtandyrý boıynsha mindettemelerin qabyldaýyna yqpal etedi.
Qyzmet kórsetý naryǵy DSU-ǵa múshe elderdiń ekonomıkalaryn damytý úshin úlken mańyzǵa ıe ekenin atap ótken jón. Máselen, 2017 jyly álemdik JIО́-degi qyzmetterdiń saýda úlesi 70 paıyzdy qurady. Qazaqstannyń JIО́ qurylymynda qyzmet kórsetý salasynyń kólemi 57 paıyzdy quraıdy.
Saýda jónindegi Keńestiń arnaıy sessııasy DSU-ǵa múshe elderdiń qyzmetter naryǵyna qol jetkizý úshin jaǵdaıdy odan ári yryqtandyrý úshin kelissózder prosesin úılestirýge jaýapty.
Atap aıtqanda, Keńes sheńberinde kelesi máseleler boıynsha kelissózder júrgiziledi:
- qyzmet kórsetý saýdasyn, onyń ishinde qyzmet kórsetýshilerge ruqsat berý jáne lısenzııalaý prosedýralaryy jeńildetý;
- elektrondyq kommersııa salasyn retteý;
memlekettik satyp alýdy júzege asyrý erejesi jáne qyzmet kórsetý sektoryndaǵy sýbsıdııalar usyný jáne t.b.
