Kezdesý barysynda taraptar Qazaqstan men О́zbekstan arasyndaǵy qarym-qatynastardyń ahýalyn joǵary baǵalap, olardy ári qaraı damytýdyń perspektıvalaryn talqylady.
Memleket basshysy saýda-ekonomıkalyq, mádenı-gýmanıtarlyq jáne basqa da salalardaǵy ekijaqty yntymaqtastyqtyń qarqyndy damyp kele jatqanyna toqtaldy. Atap aıtqanda, ózara saýda aınalymynyń ulǵaıǵany, eki eldiń bıznes qaýymdastyǵy ókilderi arasynda tabysty baılanystar ilgerilep kele jatqany atap ótildi.
Qazaqstan Prezıdenti halyqaralyq jáne óńirlik kún tártibindegi ózekti máseleler boıynsha da ekijaqty yqpaldastyqtyń tabysty bolyp otyrǵanyn aıtty.
Budan bólek, Samarqand qalasyna jumys sapary barysynda Nursultan Nazarbaev Shavkat Mırzııoevpen birge «Haziret Qyzyr» memorıaldy keshenine baryp, О́zbekstan Respýblıkasynyń tuńǵysh Prezıdenti Islam Kárimovtiń rýhyna taǵzym etti.
Sondaı-aq, eki memleket halqyna ortaq Naýryz meıramy qarsańynda Memleket basshysy О́zbekstan Prezıdentimen birge Samarqand qalasynyń birqatar mádenı-tarıhı oryndaryn aralap kórdi.
