Ulylyqpen kezdesý

Ol kezde de, osydan týra bir jyl buryn tóńirek dál osyndaı aq ulpaǵa malynyp turǵan. Ol kezde de dál osyn­daı merekelik kóńil-kúı bolatyn. Sodan beri de bir jyl óte shyǵypty. Talaı-talaı sharýa  tyndy­ry­lyp, qan­shama is júzege asty. Onyń biri este, biri esten shyǵyp ta ketken bolar-aý. Al, esten ketpeıtini qyr­ǵyz­dyń tórtkúl dú­nıege aty ket­ken  dańqty per­zenti Shyń­ǵys Tóre­qul­uly Aıt­ma­tov­tyń «Egemen Qazaqstan­nyń» ujymyn­da­ǵy kezdesýi edi. Ol kisini redaksııaǵa ataqty sýretkerimiz Ábish Kekilbaı bastap kelgen. Bul jeltoqsannyń 17-si edi. Eger keshegi sábı tarıhqa kóz salsaq, bul kúnniń de sımvoldyq máni bar. Sol kúni áıgili Jeltoqsan oqıǵa­syna da jeti jyl tolyp edi. Qashanda júregi el dep soqqan sýretkerdiń osy bir kelisin jýrnalıstik júırik kóńil sol oqıǵamen ishteı sabaqtastyrady. Keshegi odaq aldynda osy oqıǵany keýdesimen qorǵap, qaharlanyp sóılegen sýretkermen sol kúnderdegi kezdesýdi baqytqa balaǵanbyz. Sol kúni redaksııa qyzmetkerleriniń qolynda bir-bir kitap edi. Talaı jaqsylar men jaısańdardyń qonaqjaı shańyraǵyna aınalǵan «Egemen Qazaqstannyń» qyzmetkerleri sol kúni uly sýretkermen ıyq tirestirip otyryp oılasty, syrlasty, pikirlesti. Bul ulylyqpen kezdesý edi... Qalı SÁRSENBAI. Betti ázirlegen  Suńǵat ÁLIPBAI.