Bas redaktor Nurlan ORAZALIN: «Tamyry tereń, rýhy bıik bolsyn!»

Alǵashqy nómiri jaryq kór­ge­nine 75 jyl tolyp otyrǵan ga­zettiń osy merekelik nómirinde basylymnyń sol kezdegi bas redaktory Nurlan Oraza­lın­niń joǵarydaǵydaı atpen ma­qa­lasy berilipti. «Ýaqyttan ǵu­zyrly da qudiretti kúsh­tiń joǵyn jer basyp júr­gen jumyr basty pende ál­de­qashan moıyndaǵan. Onyń tizginine iligip, jetegine júrmeıtin nárse joq. Jasarý, jańǵyrý, almasý sekildi tabıǵat-ananyń máń­gilik minezin ańǵartar qu­bylystar sol ýaqyttyń arqasynda júzege asady» dep bastapty maqalasyn Nurlan aǵamyz. Munan keıin óz sózin oqyrmanyna búkpesiz aı­typ kele jatqan aǵa ba­sy­lymnyń bastaý-bula­ǵyn­da Ahmet Baıtursynov, Sá­ken Seıfýllın, Turar Rys­qulov, Smaǵul Sadýaqasov, Maǵjan Jumabaev, Mirjaqyp Dýlatov, Bernııaz Kúleev, Oraz Jandosov, Oraz Isaev, Ǵabbas Toqjanov, Muhtar Áýezov, Ǵa­bıt Músirepov, Júsipbek Aı­maýy­tov, Sábıt Muqanov sekildi ultymyzdyń, rýhanı kóshi­miz­diń basshylary,  kúrdeli za­man­nyń uly tulǵalary turýy­nyń ózi ulttyq baspasózdiń aby­roıy men bedeliniń qan­sha­lyq zor bolǵanyn kórse­te­tin­di­gin aıtyp ótipti. «Qazaq eli úshin qaı kezde de eli men jeriniń tu­tastyǵyn qyzǵyshtaı qorǵaý má­selesi kún tártibinen túsip kór­gen joq. Budan aýyr da kúrdeli máseleler bolǵan da emes» deı kele aty birneshe márte ózgergen basylymnyń bul má­sele uly mindeti ekendigine jáne ol mindettiń ózgermeı­tin­digine toqtalǵan. Iyǵynda osy­men qatar paryz ben jiger-na­my­sy qalǵyńqyrap ketken ha­lyqtyń rýhyn oıatý mindeti qa­tar turǵan basylymnyń aldy­nan az kedergiler ushy­ra­s­pa­ǵandyǵyn, onyń eń aýyry ómir men qoǵam tirshiligin saıası bı­lik­tiń – totalıtarlyq qury­lym­nyń «kózjumbaı» syńar­ezý bodanyna baılap-matap qoıyp, óz degenin istetken, mıl­lıondardy rýhanı quldyqqa salyp kelgen «bolshevızm dáýi­rine» baılanysty bolǵan­dy­ǵyn aıtypty. Gazettiń  osy kezdegi qyzmeti jaı­yn­da baıandaı kele: «Bul oraıda, basy­lymnyń bıikke shyqqan sáti de, kúıikke batqan kezi de kóp. Shyndyqqa shyr­qyrap ara túskisi kelgen redaktor­la­ry­myz Sáken, Turar, Smaǵul, Ǵabbastardyń ómiri qalaı aıaqtalǵany el jadynda. Ári-beri­den soń jumyr basty pendeniń jańyl­maı­ty­ny kemde-kem. Qı­yn, kúr­deli kezeńnen sú­rinbeı óter bolsa, qu­direti kúshti jara­týshy ǵana óter. Gazetti shy­ǵaryp otyrǵandar qudaı emes, qatardaǵy jumyr bas­ty pendeler... Endeshe, ba­sylym ta­rıhynyń qaısy bir ke­zeń­derine baǵany oıla­nyp, tol­ǵanyp aıtqanymyz jón» depti. «Tórtkúl dúnıeden surap alǵan táýelsizdigimizdiń tamyry tereń, rýhy bıik bolsyn! Azat eldiń amandyǵy men ynty­maǵyn tileıik! «Egemen Qazaq­stan» elge qyzmet etsin!» dep maqalasyn aıaqtapty.