Biz jemqorlyqqa qarsymyz!..

Bul kúnderi elimizde «Nur Otan» HDP-nyń bas­shyl­yq jasaýymen jemqor­lyq­qa jol bermeý jóninde qarsy forýmdar ótkizilýde. Atalǵan qarsylyq forýmy 20 qazan – 20 qarasha aılary aralyǵyn qamtyp otyr. Jem­qorlyqqa tosqaýyl qoıý – bul El­ba­sy­nyń saıasaty. Osy saıasattan týyndaǵan jemqor­lyq­qa qar­sy barlyq tap­syr­malar men sharalar óńirlerde qalaı jú­zege asyrylýda degen maq­satpen  oblys or­ta­lyǵyna osy qarsylyq fo­rýmyna qa­tysýǵa «Nur Otan» HDP par­tııasynyń jemqor­lyqqa qar­sy respýblıkalyq qoǵam­dyq keńesiniń tóraǵasy, senator Oralbaı Ábdi­kári­mov keldi. Jeń ushynan jal­ǵasqan jem­qorlyq bolsa tyı­ylmaı tur. Elimizdiń baı­lyǵy árkimniń qolynda ketpes úshin sybaı­las jemqor­lyqqa qarsy kúresti «Nur Otan» HDP óz qolyna alyp, jandandyra bastady. Jı­ynǵa oblys ákimi Baqytjan Saǵyntaev qatys­ty. Jem­qor­lyqtyń  oblys  ishinde ja­sa­lyp, qolǵa ala­tyn jumys­ta­ryna  bóget ja­saıtyny da na­zar aýdartady. Tender utyp aldyq dep ob­lys jaǵ­daıyn bilmeıtinder kelip, qurylysqa, jol sa­lýǵa, sý máselesine aralaspaq bo­la­dy. Osyndaı jaılar ob­lysta bir emes, birneshe ret kezdesti. Oblys ortalyǵynda ót­ken qarsylyq forýmyna oblystaǵy barlyq memlekettik organdar jáne úkimettik emes uıym ókilderi, par­tııa­nyń oblystyq fılıal músh­e­leri, oblystyq máslıhat de­pýtattary, quqyq qorǵaý oryn­dary ókilderi qatysty. Onda sybaılas jemqorlyqqa birigip qarsy turý maqsa­tyn­da memlekettik organdar­dyń, qoǵamdyq azamattyq ınstı­týttardyń jáne buqa­ralyq aqparat qural­dary­nyń róli men mańyzy qa­raldy. Oblys prokýrory D.Sartaev, ob­lys­tyq qarjy polısııasy bas­tyǵy M.Sabanshıev, tártiptik keńes tór­aǵasy N.Ramazanov sóz sóılep, jem­qor­lyqpen kúres barysynda at­qaryp jatqan birqatar ju­mystarǵa toqtal­dy. О́tken jyldarmen salys­tyrǵanda bul indettiń joly azaıa bas­taǵan. Málimetterge qara­ǵan­da, paramen ustal­ǵandardyń basym bóligi sa­lyq komıteti, halyqqa qyz­met kórsetý or­talyqtary, densaýlyq saqtaý salasynda kezdesken. Jyl basynan beri jemqorlyqqa qatysy bar 43 is qozǵalǵan. Olardyń 12-si para alyp jatqan jerlerinen ustalǵan. Jalpy shyǵyn mólsheri 18 mıllıon teńge kórinedi. Jem­qorlyq týraly málimet bergen azamattardyń quqy óz deńgeıinde qorǵalýy kerek, bul bolashaqta qaralatyn jumys bolýy kerek, dedi óz sózinde Oralbaı Ábdikári­mov. Búgingi tańda «Nur Otan» HDP oblystyq fı­lıaly jemqorlyqqa qarsy qo­ǵamdyq keńes quryp, qu­qyq qorǵaý organdarymen bir­ge belsendi túrde jumys atqarýda. Budan basqa da túrli komıssııalar jumys ja­saıdy. Qazir oblys orta­lyǵyndaǵy kóptegen oryn­darynda partııalyq baqylaý postylary qurylǵan. Son­dyqtan bizder bul keselge birtutas qoǵam bolyp shyq­qan jalpyhalyqtyq kú­resti, qarsylyqty qoldaı­myz, – deı­di «Nur Otan» HDP jergilikti fılıaly músheleri. Farıda BYQAI, Pavlodar.