Bilim jáne ǵylym mınıstri E. Saǵadıevtiń, aqparat jáne kommýnıkasııalar mınıstri D. Abaevtyń, sondaı-aq birqatar oblys ákimderiniń baıandamalarymen tanysqannan keıin Baqytjan Saǵyntaev alǵa qoıylǵan mindetterdi oryndaý boıynsha birqatar naqty tapsyrmalar berdi.
Elbasy Joldaýda Úkimetke sıfrlyq bilim berý resýrstaryn odan ári damytý mindetin qoıdy. «Sıfrlyq Qazaqstan» baǵdarlamasy aıasynda sıfrlyq tehnologııalardy qoldaný arqyly oqytý úderisin jetildirýge baǵyttalǵan sharalar anyqtaldy. Bul shalǵaıdaǵy aýyldyq jerler úshin asa mańyzdy.
«Atqarylǵan jumystardyń naqty nátıjeleri bar, — dedi Premer-Mınıstr. — Sıfrlyq tehnologııalarǵa kóshý úshin Bilim jáne ǵylym mınıstrligi 2018 jyly aqparattyq júıelerdi memlekettik organdarmen biriktirýdi qamtamasyz etýi tıis».
Oblystardyń ákimderine mektepterdi tehnıkalyq jabdyqtaý jáne olardy keń jolaqty Internet jelisine, Wi-Fi júıesine qosý jumystaryn jeke baqylaýǵa alý tapsyryldy.
Baqytjan Saǵyntaev 2020 jyldyń sońyna deıin barlyq qashyqtaǵy eldi mekender keń jolaqty Internetke tolyqtaı qosylýy tıis ekenin atap ótti. Jalpy alǵanda, Bilim jáne ǵylym mınıstrligi ákimdermen birlesip, sıfrlandyrý jumystaryn jalǵastyryp, barlyq josparly kórsetkishterge jetýdi qamtamasyz etýi kerek.
Baqylaý jumystary QR Premer-Mınıstriniń orynbasary A. Jumaǵalıevke júkteldi.
