Mınıstrliktiń málimdeýinshe jańa bilim oshaqtaryn iske qosý Arnaıy memlekettik qor, Bilim berý ınfraqurylymyn qoldaý qory, jergilikti bıýdjet qarajaty jáne jeke ınvestısııalar esebinen qarjylandyrylady.
«Mektepterdiń basym bóligi Astana men Shymkent qalalarynda, sondaı-aq Aqtóbe oblysy, Atyraý oblysy, Shyǵys Qazaqstan oblysy, Jambyl oblysy, Jetisý oblysy, Batys Qazaqstan oblysy jáne Túrkistan oblysy aýmaqtarynda boı kóterip jatyr. Sonymen qatar bilim berý sapasyn arttyrý maqsatynda hımııa, fızıka, bıologııa, robototehnıka jáne STEM baǵyttary boıynsha 1000 zamanaýı pándik kabınet satyp alynyp, mektepterge ornatyldy. Sońǵy úsh jyl ishinde 4320 pándik kabınetpen qamtamasyz etildi.
Memleket basshysynyń tapsyrmasyna sáıkes, 2029 jylǵa deıin biryńǵaı zamanaýı mektep ınfraqurylymyna kóshý úshin 1300 bilim berý uıymyn jańǵyrtý kózdelgen. Onyń 900-i aýyl mektepteri. О́tken jyly 209 mektepte jańartý jumystary aıaqtalsa, 2026 jyly taǵy 98 mektepte renovasııa jalǵasyp jatyr», delingen vedomstvo habarlamasynda.
Mektepterde esep berý úshin ótkiziletin forýmdar men jıyndar sany qysqarady
Jańǵyrtý aıasynda mektep ǵımarattaryn kúrdeli jóndeý, pándik kabınettermen jabdyqtaý, jıhazdardy jańartý, kitaphana men ashanalardy modernızasııalaý, sport zaldaryn salý nemese qaıta jóndeý, qoǵamdyq keńistikterdi abattandyrý jáne qaýipsizdik júıelerin ornatý qarastyrylǵan.
Aıta keteıik, 2025 jyldyń qorytyndysy boıynsha el kóleminde 236 myń oqýshyǵa arnalǵan 162 mektep paıdalanýǵa berildi. Jalpy sońǵy úsh jylda 746 myń oqýshy orny bar 584 mekteptiń qurylysy aıaqtalǵan.
