Elbasynyń eren eńbegi men tarıhı róli zańdyq turǵydan joǵary memlekettik marapatqa laıyq dep tabyldy

Keshe Senat Tóraǵasy Qaırat Mámıdiń tóraǵalyǵymen ótken pa­latanyń kezekti plenarlyq otyrysynda Qazaqstan Res­pýb­lı­ka­synyń Tuńǵysh Prezıdenti – Elbasy Nursultan Nazarbaevty elimizdiń joǵary memlekettik nagradasy – «Halyq Qaharmany» ataǵyna usyný týraly másele zańdyq turǵydan qaraldy. Zań jobalary qaralmas bu­ryn Senat Tóraǵasy usyný tý­raly máseleniń mańyzyn ashyp kórsetti: «Zama­ny­myz­dyń asa kór­nekti reformatory, óńirlik jáne jahandyq bastamalar men batyl sheshimderdiń uıyt­qysy, búkil álem moıyndaǵan bıik bedeldi saıasatker retinde Nur­sul­tan Nazarbaev eń jo­ǵar­y memlekettik nagrada – «Halyq Qaharmany» ataǵyna laıyq ekendigi aqıqat, – dedi Qaı­rat Ábdirazaquly. – Bul jóninde buryn da talaı bastama kóte­ril­gen, biraq Nursultan Ábish­­uly ózi­ne tán qarapaıym­dy­lyq­pen usy­nystardan únemi bas tar­typ keledi». Q.Mámı kelesi kezekte usy­nyl­ǵan tolyqtyrýlarmen táýel­siz­dik­tiń irgetasyn qalap, derbes memleketimizdi qurý jáne damy­týdaǵy, álemdik qoǵamdastyqtaǵy Qazaqstan bedelin nyǵaıtýdaǵy Elbasynyń tarıhı róli bekitiletinin atap kórsetti. Eki zań jo­basy qabyldanǵan Qazaqstannyń jańa tarıhyndaǵy erekshe kún – búkilhalyqtyq saılaý arqyly Nur­sultan Nazarbaevtyń Tuń­ǵysh Prezıdent bolyp saılan­ǵa­nyna 20 jyl tolǵan kúnmen nyshandyq turǵyda sáıkes kelip otyrǵanynyń ózinde úlken mán bar. Iаǵnı, osydan 20 jyl buryn, 1991 jylǵy 1 jeltoqsanda bú­kil­halyqtyq saılaýda Nursultan Nazarbaev Qazaq KSR-iniń Prezıdenti bolyp saılanǵan bolatyn. Senat Tóraǵasy atalǵan zań jo­balaryna tolyqtyrýlar arqyly Qazaqstan Respýblıkasynyń Tuń­ǵysh Prezıdenti Nursultan Ábishuly Nazarbaevtyń Otanyna sińirgen orasan eńbegi zań jú­zinde tanylady jáne ony Qazaq­stan halqy tolyq qoldaıdy dep men kámil senemin, dedi Q.Mámı. Elbasy men Qazaqstan halqyn osy tarıhı kúnmen jáne atalǵan zańdardyń Parlamentte qabyl­danýymen quttyqtady. Sonymen, «Qazaqstan Respýb­lıkasynyń Tuńǵysh Prezıdenti – Elbasy týraly» Qazaqstan Res­pýblıkasynyń Konstıtýsııalyq zańyna tolyqtyrýlar engizý tý­raly» Konstıtýsııalyq zań jáne «Qazaqstan Respýblıkasynyń memlekettik nagradalary týra­ly» Qazaqstan Respýblıkasynyń Zańyna tolyqtyrý engizý týra­ly» zań jobalaryn depýtattarǵa Ádilet mınıstri Rashıd Túsip­bekov tanystyrdy. Ol tarıhı oqı­ǵany merekeleý aldynda Qa­zaqstan Respýblıkasynyń Úkime­ti Qazaqstan Respýblıkasynyń Tuńǵysh Prezıdenti –Elbasyǵa «Halyq Qaharmany» ataǵyn zań­dy túrde bekitýdi usynady, dedi sózderine erekshe ekpin salyp. Zań jobalary qoldaý tapsa El­basyǵa mártebesine sáıkes aı­ryq­sha erekshelik belgisi: «Al­tyn Juldyz» jáne «Otan» ordeni qosa tapsyrylyp, «Halyq qa­har­ma­ny» ataǵyn ıelenetin bolady. Bul usynys Qazaqstannyń táý­elsiz memleket retinde qal­yp­tasýy men damýyndaǵy Qazaq­stan Respýblıkasynyń Tuńǵysh Prezıdenti – Elbasynyń tarıhı rólimen negizdelgen. Qazaqstan Respýblıkasynyń Tuńǵysh Prezıdenti – Elbasynyń basshyly­ǵymen elimizde jıyrma jyldan beri áleýmettik, ekonomıkalyq, saıa­sı jáne quqyqtyq júıelerdi jetildirý tabysty túrde iske asy­rylýda. Qazirgi ýaqytta Qa­zaqstan Respýblıkasy halyq­ara­lyq arenada joǵary bedelge ıe. Qosymsha baıandama jasaǵan Áleýmettik-mádenı damý komı­te­tiniń tóraǵasy Aqan Bıjanov zań jobalaryn 2011 jyldyń 30 qarashasyndaǵy keńeıtilgen oty­rysynda talqylap, Senat oty­rysynyń qaraýyna engizilgendigin tilge tıek ete ketti. Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev eldiń birligin, Kons­tı­tý­sııanyń, adam men azamattyń qu­qyqtary men bostandyq­tary­nyń qorǵalýyn qamtamasyz etken, ja­ńa táýelsiz memlekettiń negizin qalaýshy bolyp taby­lady. Onyń jetistikteri Qazaq­stan halqy ta­ra­pynan zor qur­met pen senim tý­dy­rady. Memleket basshysynyń kemel de sarabdal ishki jáne syrt­qy saıasa­tynyń nátıjesinde Qazaqstan Respýblıkasy aıtar­lyqtaı eko­nomıkalyq ósýge, ha­lyqtyń ál-aýqatynyń artýyna qol jetkizip, búkil álemdik qo­ǵam­das­tyq­ta bıik bedelge ıe boldy. Son­daı-aq zań jobalary boıyn­sha senatorlar Aleksandr Savchenko, Jabal Erǵalıev, Iýrıı Shaı, Ǵanı Qasymov, Muhtar Altyn­baev sóz sóılep, Elbasynyń el aldyndaǵy eren eńbegin jan-jaqty ashyp kórsetti. Talqylaý nátıjesi boıynsha zań joba­la­ry biraýyzdan qoldaý tapty. Sondaı-aq otyrysta birqatar halyqaralyq kelisimder ratı­fı­kasııalandy. Qoldanystaǵy keıbir zańnamalyq aktilerge bank qyz­meti men qarjy uıymda­ryn­daǵy táýekelderdi azaıtý turǵy­synan retteý jáne otbasy úlgi­sindegi balalar aýyly men jas­óspirimder úıleri máseleleri boı­ynsha ózgeristerdi kózdeıtin zań jobalary da qabyldandy. Osy rette Valıýtalyq retteý jáne va­lıýtalyq baqylaý máseleleri boı­ynsha keıbir zańnamalyq aktilerge ózgeristerdi qarastyratyn zań jobasy qabyldanǵandyǵyn aıta ketý kerek. Jáne de advokatýra máseleleri boıynsha ózgerister men tolyqtyrýlar engizý týraly zań jobasy birinshi oqylymda maquldandy. Asqar TURAPBAIULY.