Jýrnalıstıkanyń «Ulttyq reportaj» nomınasııasy boıynsha The New Work Times jáne The Washington Post gazetteri Pýlıtser syılyǵynyń ıegeri atandy. Bul basylymdar AQSh prezıdenti Donald Tramptyń prezıdenttik saılaý kompanııasy men Reseıdiń baılanysy jónindegi maqalalary úshin marapattaldy.
The New York Times gazetiniń jýrnalısteri Jodi Kantor and Megan Twohey jáne The New Yorker jýrnalısi Ronan Farrow «Qoǵamǵa qyzmet kórsetý» nomınasııasymen marapattaldy. Olar Gollıvýdtyń ataqty prodıýseri Harvey Weinstein-ge qatysty jynystyq bopsalaý men zorlyq zombylyqqa qatysty zertteýge qosqan úlken úlesteri úshin marapattaldy.
Halyqaralyq reportaj atalymy boıynsha Reuters agenttigi marapatqa ıe boldy.
Al mýzyka salasy boıynsha «DAMN» albomy úshin reper Kendrick Lamar marapattaldy. Ol óz áninde afroamerıkalyqtardyń turmysyn shynaıy sýrettegen.
Al úzdik sýret nomınasııasyn Rohındja musylmandarynyń qıyn jaǵdaıyn kórsete bilgeni úshin Reuters agenttigi marapattaldy.
Eń úzdik aqparattyq sýret nomınasııasy boıynsha Ryan Kelly-diń (The Daily Progress) 12 tamyz 2017 jyly Charlottesville, Va-da bolǵan ultshyldardyń kóterilisi kezinde túsirgen sýreti marapattaldy.
Pýlıtser syılyǵy jyl saıyn 21 nomınasııa boıynsha, onyń ishinde ádebıet, jýrnalıstıka jáne teatr salalaryndaǵy amerıkalyq eń mártebeli syılyqtardyń biri. Bul syılyq 1917 jyldan bastap beriledi. Syılyq vengr-evreı gazet magnaty, 1911 jyly qaıtys bolǵan Djozef Pýlıtser qaldyrǵan qor negizinde taǵaıyndalady.
Mádına JÁLELQYZY,
«Egemen Qazaqstan»
