Brıfıngti ashqan «Nur Otan» partııasynyń Almaty qalalyq fılıaly tóraǵasynyń orynbasary,qalalyq máslıhat depýtaty Stanıslav Kankýrov óz sózinde Elbasymyz jergilikti bılik organdary turǵylyqty halyqpen tyǵyz baılanysta bolýlaryn qadap aıtqanyn aýyzǵa ala otyryp, memlekettik organdar atqaryp jatqan jumystary úshin, partııanyń dáıekti taqyryptaryna oraı istelip jatqan jumystaryn ortaǵa salýǵa tıimdi jol bolýǵa alańqaı usynýǵa qolaıly múmkindik jasap otyrǵanyn sóz etti.
Osy oraıda búgingi brıfıng barysynda ózekti taqyrypty sóz etip otyrǵan Maqsut Isaqov qaladaǵy avtomobıl joldarynyń qurylysy men jóndeý máselelerine toqtalyp ketti.
"Qazirdiń ózinde Naýryzbaı, Alataý, Bostandyq aýdandarynyń aýmaǵynda qyzý qolǵa alynǵan jumystardyń jandanyp jatqanyn aıtty. Qala boıynsha aıaldamalyq alańqaılardyń aıaqtalyp qalǵanyna toqtaldy. Abaı dańǵyly uzara túsetinin,al, Nursultan Nazarbaev dańǵyly aldaǵy kúnderi Almaty 1 vokzalyna qaraı jalǵasatynyn sóz etti. Kelbetti Almatynyń kórikti kósheleri ádemi áspetin aldaǵy kúnderi burynǵydan da jarqyraı túsetin bolady" dedi Maqsut Isaqov.
Almatynyń aıshyqty joldary 155 shaqyrymǵa uzaryp, bıyl 157 kóshe kóriktene túsedi.
Saparbaı PARMANQUL,
«Egemen Qazaqstan»
ALMATY
