Ashyq esik kúni Batys Qazaqstan oblysynyń kez kelgen turǵyny ózin tolǵandyrǵan máseleni, ótinishi men usynysyn quqyq qorǵaý organdary, memlekettik jáne kommýnaldyq mekemeler basshylarynyń aldyna qoıa alady. Sol arqyly tıisti jaýap pen quqyqtyq keńes berilip, sheshý joldary qarastyrylady.
«Ashyq ákimdikti» ótkizý – turǵyndar arasyndaǵy týyndaǵan kókeıkesti máseleniń sheshimin jedel ári tıimdi jolmen sheshýge baǵyttalǵan. Qabyldaý turǵyndar úshin qolaıly demalys kúnderine belgilenedi.
Bul joly da «Ashyq ákimdik» sharasyna óńir basshysy Altaı Kólginov, Oral qalasynyń ákimi Murat Muqaev, oblys ákiminiń orynbasarlary, salalyq basqarma basshylary qatysyp, turǵyndardyń talap-tilekterin tikeleı tyńdady.
Bul kúni turǵyndar tarapynan 223 adam ózderiniń túrli máselelerimen tıisti basshylarǵa jolyqty. Ádettegideı ótinish-shaǵymnyń deni turǵyn úı kommýnaldyq sharýashylyq salasyna qatysty bolǵan. Mysaly, Murat Móńkeuly kóshesinde jańadan paıdalanýǵa berilgen úı turǵyndary 4 aıdan beri tabıǵı gazsyz otyrǵanyn jetkizgen. Mundaı máseleler tıisti mekeme-qyzmetterdiń qatysýymen tez tekserilip, tıisti sheshim shyǵarylady.
Bul kúni oblys ákimi Altaı Kólginovtiń ózi 37 adammen tikeleı kezdesip, muń-muqtajyn tyńdady.
Aıta ketý kerek, osyndaı ár shara ótken saıyn «Ashyq ákimdikke» shaǵymmen kelýshi turǵyndar sany azaıyp keledi.
Qazbek Quttymuratuly
«Egemen Qazaqstan»
Batys Qazaqstan oblysy
Sýretti túsirgen Aıbatyr NURASh
