Kezdesý barysynda Aýǵanstan basshysy qazaqstandyq tarapqa jáne Prezıdent Nursultan Nazarbaevtyń jeke ózine Aýǵanstandy qaıta qalpyna keltirýge, elde beıbitshilik pen qaýipsizdik ornatýǵa baǵyttalǵan barlyq halyqaralyq jáne óńirlik bastamalarǵa kórsetip otyrǵan qoldaýy úshin alǵysyn bildirdi. Ol Qabyl úshin Qazaqstannyń Ortalyq Azııadaǵy eń iri áriptesi retinde erekshe mańyzdylyǵyn atap ótti. Buǵan onyń tek 2017 jyly Astanaǵa barǵan eki sapary jáne Qazaqstan Prezıdentimen kelissózderi dálel bolyp otyr.
Aýǵanstan Prezıdenti eki el arasyndaǵy saýda-ekonomıkalyq yntymaqtastyqty tereńdetýdiń qajettigin basyp aıtty. Qazaqstandyq iskerlerdi aýǵan naryǵynda, atap aıtqanda bıdaı jetkizý, Aýǵanstan aýmaǵynda qazaqstandyq kompanııalardyń dıirmen salýy, taý-ken ónerkásibiniń obektileri, elektroenergııa salalarynda, temirjol jobalaryndaǵy jumysynyń belsendiligin arttyrýǵa shaqyrdy. О́z kezeginde aýǵandyq tarap qazaqstandyq naryqqa jemis-jıdek pen jańǵaqtardyń túr-túrin jetkizýdiń kólemin ulǵaıtýǵa ázir.
Á. Esengeldıev Aýǵanstan Prezıdentine kórsetilgen qonaqjaılyq úshin alǵysyn bildirip, Qazaqstan Prezıdentiniń Aýǵanstanǵa, onyń ishinde QR-nyń BUU Qaýipsizdk Keńesindegi turaqty emes músheligi sheńberindegi bólip otyrǵan erekshe mańyzdylyǵyn atap aıtty. Memleketter arasyndaǵy ekijaqty qatynastardy odan ári keńeıtýge baryn salatyndaǵyna daıyndyǵyn jetkizip, sondaı-aq eldi qysqa merzimde qalpyna keltirý isinde Astananyń Qabyldy tolyqtaı qoldaıtyndyǵy boıynsha ustanymy týraly málimdedi.
Budan bólek, Qazaqstan elshisi sol kúni Syrtqy ister mınıstri Salahýddın Rabbanımen jeke kezdesý ótkizip, taraptar ekijaqty jáne kópjaqty yntymaqtastyǵynyń keń aýqymdy máseleleri boıynsha pikir almasty.
