Foto: avtor
Tusaýkeser barysynda avtordyń «Shyńǵystaý» kitaby jáne soǵan qosymsha Abaı shańyraǵynan basylyp shyqqan jıyrmaǵa jýyq kitap toptamalary Semeı qalasynda ornalasqan Abaı kitaphanasynyń ujymyna syı retinde berildi. Osynaý rýhanı qundy baılyqty Abaı atyndaǵy kitaphana dırektorynyń orynbasary Gúlmıra Amrenovaǵa Abaı mýzeıiniń dırektory Bolat Júnisbekov saltanatpen tabystap, bul Elbasymyzdyń «Rýhanı jańǵyrý» jobasyna qosyp jatqan tyń úlesimiz dep atap aıtty. Sondaı-aq, kelgen qaýymdy Eldar Orazalınniń shyǵarmashylyǵymen keńinen tanystyryp ótti.
- Eldar Kámenuly Orazalın Abaı aýdanynyń Qaraýyl aýylynda kórnekti jazýshy Kámen Orazalınniń otbasynda dúnıege kelgen, - dedi mýzeı dırektory Bolat Júnisbekov,-1980 jyly Abaı atyndaǵy orta mektepti, 1986 jyly Semeıdiń pedagogıkalyq ınstıtýtyn bitirgen. Áke jolyn qýyp ádebıetke erte bastan qumartqan albyrt aqyn eńbek jolyn 1986 jyly Abaı atyndaǵy orta mektepte muǵalimdik qyzmetten bastaǵan. Mektep janynan shyǵatyn «Abaı urpaqtary» qoljazba jýrnalynyń kórkemdik jetekshisi bolyp, 13 jyl boıy taban aýdarmaı qyzmet etken. Jas urpaqty óner men bilim jolynda tárbıeleýdegi jemisti eńbegi úshin 1998 jyly Qazaqstan Respýblıkasy Bilim Mınıstrliginiń «Qurmet Gramotasymen» marapattalǵan.
Osylaı deı kele Bolat Júnisbekov Eldar Kámenulynyń keýdesine «Abaı» medalin taqty.
- Eldar Kámenuly búginde Abaı aýdanynyń mádenıet jáne tilderdi damytý bóliminiń basshysy qyzmetin asa bir jaýapkershilikpen jáne abyroımen atqarýda,-dedi shejireshi qart, qalamger Moldabek Janbolatuly, - Ertis óńiri Kompozıtorlar Odaǵynyń múshesi bolǵanyna da 15 jyldaı ýaqyt bolypty. Ákege tartyp týǵan talantty ul, Kámen Orazalın sııaqty Shyńǵystaý eliniń mártebesin arttyryp júrgen jan. Eldarǵa árdaıym ıgi jol, shyǵarmashylyq tabys tileımin.
Abaıdyń «Jıdebaı-Bórili» qoryq-mýzeıiniń qoldaýymen jaryq kórip otyrǵan Eldar Orazalınniń «Shyńǵystaý» atty kitabynyń tusaýkeserine qalamyzdaǵy zııaly qaýym ókilderi men Abaı aýdanynyń ónerpazdary qatysty. Keshte Abaı ánderi shyrqalýmen qatar, Eldar Kámenulynyń jyrlary oqylyp, konserttik baǵdarlama qoıyldy.
Raýshan NUǴMANBEKOVA
