«Bizdiń túlekterimiz úsh aı boıy baǵdarlamamen arnaıy oqytylyp, biz olarǵa keńsemen qamtamasyz etip, mentorlar taýyp, iskerlik baılanys ornatýǵa múmkindik berdik. Bireýleri ózderine ınvestısııa tartqan bolsa, keıbireýeri satylymdaryn arttyrdy. Úsh aılyq baǵdarlamaǵa 13 joba tańdap alynǵan bolatyn, biraq onyń bári birdeı sońyna deıin jetken joq. Jaqsy jobalar bar, basqa startaptarǵa arnalǵan baǵdarlamalarǵa aýysqandary da bar. Al jabylǵan jobalarǵa keler bolsaq, bul ¬- qalypty jaǵdaı, sebebi praktıkada 10 startaptyń bireýi ǵana tabysqa jetip, ári qaraı jumys istep ketedi», dedi «Astana Hub» halyqaralyq IT-startaptar tehnoparkiniń basshysy M.Mádıev. Onyń atap ótýinshe, irikteý barysynda eki joba jabylǵan. Statıstıka boıynsha startaptyń tym bolmaǵanda bireýi tabysty bolsa óte jaqsy eken. «Ázirshe, bizde eki joba jabylý týraly sheshim qabyldady. О́ıtkeni, olar bizdiń sarapshylarmen jumys istegen kezde ózderiniń bıznes-modelderiniń keleshegi joq ekenin túsindi», dedi ol.
M.Mádıevtiń aıtýynsha ekinshi akselerasııalyq baǵdarlama 5 maýsymda bastalady. Mamyr aıynyń sońyna deıin ótinimder qabyldanyp, solardyń arasynnan myqty jobalar tańdap alynady. Al «Astana Hub»-tyń alǵashqy túlekterin ári qaraı qoldaý úshin taǵy basqa baǵdarlamalar iske qosylmaq.
#Garage – bul startaptardy damytýǵa arnalǵan 3 aılyq baǵdarlama. Munda baǵdarlama qatysýshylaryna Ekspo aýmaǵynan keńse, mentorlar, qajetti ınfraqurylym men qurastyrýshylarǵa part-taım qarastyrylady. Aıtqandaı, «Astana Hub» halyqaralyq IT-startaptar tehnoparki "Garage" atty startap-jobalardy ınkýbasııalaýǵa arnalǵan tegin baǵdarlamasyn bıylǵy jyldyń aqpanynda iske qosqan bolatyn.
Dınara BITIK,
«Egemen Qazaqstan»
