Kezdesýge Aqtóbe qalasynan arnaıy kelgen batyrdyń týys inisi Tynyshtyq Sultanuly Jumaǵalıdyń maıdanǵa qalaı tap bolyp, qalaı erlik kórsetkeni týraly aıtyp ótse, Jumaǵalıdyń aǵasy Qýanǵalıdyń qyzy Maqpal onyń balalyq, jastyq shaǵy týraly, al rýlas aǵaıyny, jýrnalıst Qosaman Jaıly 2017 jyly mamyr aıynda Sovet Odaǵynyń batyry J.Qaldyqaraevtyń erlikpen qaza taýyp, jerlengen jerine zııarattaý maqsatynda uıymdastyrylǵan sapar Mańǵystaý – Mozyr avtokerýeni týraly aıtyp berdi jáne sol saparda túsirilgen fotosýretterdi keshen murajaıyna tartý etti.Solarmen birge avtokerýenge qatysqan kásiporyn ardageri, «Mádenıet salasynyń úzdigi» D.Aralbaev men aýdandyq qorǵanys isteri bólimi basshysynyń orynbasary Qaırat Myńbaev sóılep ótip, keshen qyzmetkerlerine batyrlardy eske saqtaý jáne de basqa túrli patrıottyq sharalardy únemi uıymdastyratyndary úshin alǵys aıtyp, qatysýshylardy Otan qorǵaýshylar kúni jáne Uly Jeńis kúni merekelerimen quttyqtady.
Shara sońynda batyrdyń týys inisi Tynyshtyq Sultanuly Belarýssııanyń Mozyr qalasyndaǵy baýyrlastar zıratyndaǵy Jumaǵalıdyń jerlengen jerinen alynǵan bir ýys topyraqty bolashaqta keshende ashylatyn «Batyrlar alańyna» ornalastyrý úshin keshen qyzmetkerlerine tapsyrdy. Ataýly sharada E.Aıshýaquly atyndaǵy orta mektep oqýshylary Shańdybaı Jarqyl, Dinasyl Aıdyn, Altynbek Aıaýlym jáne qatysýshylarǵa Qazaqstan kompozıtorlarynyń patrıottyq ánderin oryndap berip, kópshiliktiń alǵysyn aldy.
Jomart AIDARBEK,
Mańǵystaý oblysy
