Qaraǵandyda jóndelgen jol jylǵa jetpeı buzyldy

Jaqynda qoǵam bel­sen­di­si, sýretshi Ká­ripbek Kúıikov áleý­met­tik je­lide Qarqaraly aýdanynyń Egin­di­­b­u­laq ba­ǵy­tyndaǵy tas joldyń ahýalyn aıtyp da­byl qaqqan bolatyn. Ol osy óńirdegi Te­rek­ti aýy­ly­­­nyń mańynda keıingi jyldary ashyl­­­ǵan ken ornynan Qaraǵaıly-Qa­raǵandy te­mir jolyna ken tasyǵan aýyr salmaqty ma­shı­­nalar joldy tal­qan­dap jatqanyn aıtyp qyn­jylys bil­dirdi. Sodan keıin ótken jol má­se­­le­lerine arnalǵan jıynda oblys basshysy Erlan Qoshanov Qarqaraly aýdanynyń ákimi Halel Maqsutovty osy máselege qatysty synǵa aldy.

Shynynda da, Egindibulaqtyń  jo­ly byl­­tyr ǵana jóndeýden ótkizilgen bo­latyn. «AltaıPolımetall» JShS-nyń kúndiz-túni ken tasyǵan aýyr kólikteri sol eńbektiń bárin esh qy­lyp, jylǵa da jetkizbesten jol­dyń oıdym-shoıdymyn shyǵardy.

– Jolǵa zaqym kelmeýi úshin júk kóliginiń salmaǵy 8 tonnadan as­paýy kerek­tigin bilesiz ǵoı. Jol ıns­peksııa­sy nege jumys iste­meı­di?! Shtatta 32 adamdy ustap otyryp, óńir­­degi jol­dyń jaǵdaıyn qadaǵalaı al­­maısyz ba? – dedi óńir basshysy aý­dan
áki­mine.

Qarqaraly aýdanynyń ákimi jol­dyń atal­ǵan bóliginde 25 shaqy­rym aralyqty ja­­map-jasqaý jumys­ta­ry júrip jatqanyn, ta­­ǵy da 25 sha­qyrymǵa ortasha jóndeý ja­sa­laty­nyn aıtyp aqtaldy.

– Josparlanǵan 50 shaqyrym joldyń jar­tysyn jóndeýge tender ótki­zildi. Tender baǵa­sy 234 mıllıon teńgeni quraıdy. Merdiger jumysqa kiriskeli otyr, – dedi ol.

Aýdan ákiminiń aıtýynsha, «Al­taı­Po­lı­me­tall» JShS budan bylaı asa aýyr júk kó­lik­terimen ken ta­sy­ǵan mer­digermen jumys istemeı­tin bolypty. Kom­panııa jolǵa zalal keltirmeý úshin kendi endi­gi­de jal­py salmaǵy 8 tonnadan aspaıtyn «KamAZ» kólikterimen tasıdy. Bel­gi­le­ngen tár­tipke baǵynbaı jolǵa shyq­qan asa aýyr júk kólikteriniń ıelerine úlken aıyppuldar sa­ly­natyn bolady.

Osynyń bári eldi shýlatpaı, oblys basshysyna deıin jetkizbeı tyn­dy­rýǵa bolatyn sharýa edi. Aýdan orta­lyǵymen, odan ári Qaraǵandymen jal­ǵaıtyn jalǵyz jolmen qatynaý múm­kin bolmaı qalǵan soń, halyq, árıne úndemeı otyra almaıdy. Jı­yr­ma jyldan astam ýaqyt bu­ryn aýdan mártebesinen aıyrylyp, Qarqaralyǵa qosylǵan Egindi­bu­laqtyń joldan basqa problemasy da jetip-artylady. Qarqaralynyń quramynda degen aty bolmasa, áleý­met­tik-ekonomıkalyq turǵydan únemi shet­qaqpaı qalyp jatatynyn osy óńir­diń turǵyndarynan jıi es­tı­ti­­nimiz ras. Shalǵaıda jatqan el qandaı da bir sharýasyn sheshý úshin min­detti túrde jolǵa shyǵady. Qara­ǵan­dydan Egindibulaqqa kúnine eki márte qatynaıtyn avtobýstyń ózi júrý múmkin bolmaı qalǵan jolǵa amal­syzdyń kúninen áreń shyǵatyn bolǵan. Ondaǵan eldi mekenge tek Egin­dibulaq, ıaǵnı osy jol arqyly ǵana barýǵa bolatynyn, olarda syrttan baratyndardy eseptemegenniń ózin­de, on myńnan astam ha­lyq tu­ratynyn eskersek, aýdan ákiminiń alań­­syzdyǵyn túsiný qıyn.

Oblys ákimi E.Qoshanov jol po­lı­­sııasynyń ókil­derine de óńirdegi bar­lyq joldardy qatań ba­qylaýǵa alyp, aýyr júk kólikteriniń qozǵa­ly­syn qadaǵalaýdy tapsyrdy.

Qaırat ÁBILDA,
«Egemen Qazaqstan»

QARAǴANDY