«Daryn» memlekettik jastar syılyǵy (budan ári – Syılyq) jemisti ǵylymı, shyǵarmashylyq, qoǵamdyq qyzmeti, sondaı-aq joǵary sporttyq jetistikteri úshin daryndy jastardy memlekettik qoldaý maqsatynda jyl saıyn 10 nomınasııa boıynsha beriledi: estrada, klassıkalyq mýzyka, halyq shyǵarmashylyǵy, ádebıet, teatr jáne kıno, jýrnalıstıka jáne qoǵamdyq qyzmet, sport, dızaın jáne beıneleý óneri, ǵylym.
Halyqaralyq jáne respýblıkalyq konkýrstardyń, festıvaldar men kórmelerdiń laýreattary, respýblıkalyq jáne halyqaralyq deńgeılerdegi sporttyq jarystardyń júldegerleri men jeńimpazdary bolyp tabylatyn, sondaı-aq qyzmeti ınnovasııalyq bolyp tabylatyn jáne tıisti sala men tutastaı qoǵamdy damytýǵa yqpal etken Qazaqstan Respýblıkasynyń 29 jasqa deıingi azamattary syılyq alýǵa úmitker bolady.
Syılyq bir ýaqytta ár nomınasııa boıynsha ekiden artyq emes izdenýshige berilýi múmkin, bul jaǵdaıda onyń aqshalaı bóligi olardyń arasynda teń bólinedi. Syılyqty qaıta berýge jol berilmeıdi. Bir kandıdatýrany bir nomınasııadan artyq syılyq alýǵa usynýǵa bolmaıdy.
Syılyq avtorlar ujymyna berilse, onyń aqshalaı bóligi olardyń músheleri arasynda teń bólinedi.
Syılyq alýǵa kandıdatýralar usynýdy ortalyq, jergilikti jáne ózge de memlekettik organdar, qoǵamdyq birlestikter men Qazaqstan Respýblıkasynyń zańnamasynda belgilengen tártippen tirkelgen ózge de zańdy tulǵalar júrgizedi.
Ortalyq, jergilikti jáne ózge de memlekettik organdar, qoǵamdyq birlestikter jáne Qazaqstan Respýblıkasynyń zańnamasynda belgilengen tártippen tirkelgen ózge de zańdy tulǵalar ýákiletti organǵa mynadaı qujattardy qaǵaz jáne elektrondyq túrde jiberedi:
1) kandıdattyń jeke kýáliginiń kóshirmesi;
2) qosymshaǵa sáıkes nysan boıynsha tirkeý ótinimi;
3) qoldaýhat jáne syılyq alýǵa izdenýshiniń jetistikteri týraly anyqtama;
4) marapattaý dıplomdarynyń, gramotalarynyń, alǵys hattarynyń kóshirmesi (bolǵan jaǵdaıda);
5) kandıdattyń nemese kandıdat týraly maqalanyń, jarııalanymdardyń kóshirmesi (bolǵan jaǵdaıda);
6) kandıdattyń jetistikterin rastaıtyn ózge de materıaldar (bolǵan jaǵdaıda).
Komıssııanyń spektaklderdi, kıno jáne telefılmderdi, kórmelerdi qaraýyn, konserttik baǵdarlamalar, sondaı-aq mýzykalyq jáne ádebı shyǵarmalardy tyńdaýyn, izdenýshiniń qyzmetimen tanysýyn uıymdastyrý usynýshy uıymdarǵa júkteledi.
Syılyq berý týraly sheshim Qazaqstan Respýblıkasynyń Úkimeti ony qabyldaǵan kezden bastap kúshine enedi. Qazaqstan Respýblıkasy Úkimetiniń syılyq berý týraly qaýlysy buqaralyq aqparat quraldarynda Qazaqstan Respýblıkasynyń Táýelsizdik kúnine oraı jarııalanady.
Syılyq alǵan adamdarǵa «Daryn» memlekettik jastar syılyǵynyń laýreaty» ataǵy beriledi, dıplom, tósbelgi jáne aqshalaı syılyq tabys etiledi.
Syılyqtar saltanatty jaǵdaıda beriledi, marapattaý rásimi Qazaqstan Respýblıkasynyń Táýelsizdik kúnine oraılastyrylady.
Izdenýshilerdiń joǵaryda atalǵan qujattaryn 2018 jylǵy 1 tamyzǵa deıin Qazaqstan Respýblıkasy Din isteri jáne azamattyq qoǵam mınıstrliginiń Jastar saıasaty departamenti kelesi mekenjaı boıynsha qabyldaıdy:
Astana qalasy, Mángilik el kóshesi, 8, Mınıstrlikter úıi (15-kireberis), 8/7172/74-13-85, 8/7172/74-18-43, 87019981988, zh.zhunusova@diakom.gov.kz.
