Bıylǵy jarysta Astananyń «Barysynan» bólek, Qazaqstan ulttyq quramasy, Habarovskiniń «Amýr» jáne Nıjnekamskiniń «Neftehımık» klýbtary kúsh synasady. Esterińizge sala keteıik, aıtýly doda 2010 jyldan beri úzdiksiz uıymdastyrylyp keledi. Sol aralyqta «Barys» tórt márte top jarsa, SKA (Sankt-Peterbýrg), «Avangard» (Omby), «Metallýrg» (Novokýznesk) jáne «Neftehımık» (Nıjnekamsk) bir-bir retten jeńimpaz atandy.
Astanadaǵy týrnır aıaqtalǵannan keıin elordalyq hokkeıshiler Ýfaǵa attanyp, 25-28 tamyz aralyǵynda jalaýy jelbireıtin Bashqurtstan kýbogynda baq synaıdy. Osy básekelerdiń barlyǵy 1-qyrkúıekte bastalatyn Qurlyqtyq hokkeı lıgasyna (QHL) daıarlyq retinde qarastyrylýda.
Ǵalym SÚLEIMEN,
«Egemen Qazaqstan»
ALMATY
