Sondaı-aq Prezıdentter 17 qujatty rásimdedi. Olardyń qatarynda ShYU-ǵa múshe memleketter basshylary keńesiniń ShYU-ǵa múshe memleketterdiń uzaqmerzimdi tatý kórshilik, dostyq jáne yntymaqtastyq týraly shart erejesin júzege asyrýdyń 2018-2022 jyldarǵa arnalǵan is-qımyl josparyn bekitý jónindegi sheshimi, 2019-2021 jyldarǵa arnalǵan terrorızm, separatızm jáne ekstremızmge qarsy is-qımyldaǵy yntymaqtastyq baǵdarlamasyn bekitý sheshimi, 2018-2023 jyldarǵan arnalǵan esirtkige qarsy strategııasyn jáne ony oryndaý jónindegi is-qımyl baǵdarlamasyn bekitý sheshimi, Azyq-túlik qaýipsizdigi boıynsha yntymaqtastyq baǵdarlamasy jobasyn ázirleý jónindegi sheshimi, Qorshaǵan ortany qorǵaý salasyndaǵy yntymaqtastyq tujyrymdamasyn bekitý týraly sheshimi syndy 12 qujat bar.
Munan bólek, ShYU-ǵa múshe Memleket basshylarynyń jastarǵa birlesken úndeýi, ShYU keńistigindegi epıdemııalyq qaterge qarsy ortaq is-qımyl týraly birlesken málimdemesi, Saýda prosedýrasyn jeńildetý jónindegi birlesken málimdemesi qabyldandy.
Qujattarǵa Qazaqstan Prezıdenti Nursultan Nazarbaev, QHR Tóraǵasy Sı Szınpın, Reseı Prezıdenti Vladımır Pýtın, Qyrǵyz Prezıdenti Sooronbaı Jeenbekov, Pákistan Prezıdenti Mamnýn Hýseın, Tájikstan Prezıdenti Emomalı Rahmon, О́zbekstan Prezıdenti Shavkat Mırzıeev, Úndistan Premer-Mınıstri Narendra Modı qol qoıdy.
