Jaqynda «Rýhanı jańǵyrý» baǵdarlamasy aıasynda osy jerge «Shilikti – Tarbaǵataı» arxeologııalyq ekspedısııasy músheleri kelip, qazba jumystaryn bastap ketti. Ekspedısııa jetekshisi, belgili arheolog Ábdesh Tóleýbaev qorymdar osydan 2 jarym myń jyl burynǵy saq taıpasynyń patshalaryna tıesili ekendigin, tipti bul mańnan taǵy bir «Altyn adam» tabylýy múmkin degen boljamyn aıtypty.
«Qazba jumystary oblys ákimi D.Ahmetovtyń qoldaýymen júrgizilip jatyr. «Tórt oba» qorymynda aty aıtyp turǵandaı bıiktigi 10, eni 30-40 metrge jýyq tórt úlken úıindi oryn tepken. Arheologtar áýeli arnaıy qurylǵynyń kómegimen bir qorǵandy qazyp kórmek. Qundy jádigerler tabylyp jatsa, qalǵan qorǵandarǵa qazba jumystaryn júrgizýdi josparlap otyr. Qazir «Tórt oba» qorymynda 70-ke jýyq adam jumys istep jatyr», - deıdi Tarbaǵataı aýdanynyń ákimi Dildábek Orazbaev.
Azamat QASYM,
«Egemen Qazaqstan»
Shyǵys Qazaqstan oblysy,
Tarbaǵataı aýdany
