Kandıdattar eksheldi

Joǵary Sot Keńesiniń janyndaǵy biliktilik ko­mıssııasy sýdıalyqqa kandıdattardan olardyń bilim deńgeıin aıqyndaý úshin biliktilik emtı­ha­nyn qa­­­byldady. Komıssııanyń otyrysyna baı­qaý­shylar retinde «Nur Otan» HDP janyndaǵy Jemqor­lyq­­pen kúres jónindegi respýblıkalyq qoǵamdyq ke­­­ńes­tiń músheleri – Parlament Sena­tynyń depýtaty I. Ámirov jáne «Nur Otan» HDP Parlamentarızm ınstıtýty sybaılas jem­qorlyqqa qarsy ǵylymı-zertteý ortalyǵynyń jetekshisi B.Áshitov qatysty. Komıssııanyń reglamentine sáıkes biliktilik emtıhanyn tapsyrý eki kezeńge bólinip, zańna­ma­ny bilýge kompıýterlik testileý jáne emtıhan bıletteri boıynsha úmitkerdiń bilimin tekserýden turdy. Zańnamany bilýge arnalǵan test 100 su­raqty qurady. Oǵan 90 mınýt ýaqyt bólindi. Emtıhan bıletinde tórt suraq bar. Testileý kezinde 70 jáne odan da kóp ball jınaǵan adam zańna­ma­ny bilýge arnalǵan kompıýterlik testini tapsyr­dy dep esepteledi. Ol ekinshi kezeńge jiberiledi. Emtıhan bıletteri boıynsha úmitkerdiń bilimin tekserý kezinde komıssııanyń árbir múshesi ár suraq boıynsha jeke-jeke bes baldyq júıemen baǵa qoıady, sodan keıin ortasha arıfmetıkalyq baǵasy shyǵarylady. Biliktilik emtıhanyn tapsyrý úshin aımaq­tar­dan 162 kandıdat shaqyryldy, 90 kandıdat qa­tys­ty. Kompıýterlik testini tapsyrýdyń birinshi kezeńinen 51 kandıdat ótti. Olardyń ishinen 20 kandıdat ekinshi kezeńge óte almady. 90 kandı­dat­tyń ishinen sýdıa laýazymyna biliktilik emtıha­nyn 31 úmitker tapsyrdy. Biliktilik emtıhanyn tap­syrý nátıjesi alty jylǵa jaraıdy, al em­tıhandardy tapsyra almaǵan adam olardy qaıta tapsyrýǵa bir jyldan soń jiberiledi. «Egemen-aqparat».