Sýretshiler syılyǵy

«Nazarlaryńyzǵa usynylyp otyrǵan kitap – Qazaqstan sýretshileriniń Táý­elsizdigimizdiń 20 jyldyq mereıtoıyna tartýy. Munda usynylǵan kartınalar – osy jyldary jazylǵan shyǵarmalardyń bir parasy ǵana. Teńizdiń dámin tam­­shy­dan da bilýge bolatynyndaı, azat eldiń erkin ónerpazdarynyń eńbegin qalyń kórermen ózi baǵalaı jatar». «Jýrnal «Made in Kazakhstan» JShS» osy kún­der­de ja­ryqqa shyǵarǵan «Uly dala má­ne­ri» atty albomǵa jazylǵan alǵy­sózi­niń sońynda Qazaqstan Sýretshiler oda­ǵy basqar­ma­synyń tóraǵasy Baıtursyn О́mirbekov osylaı deıdi. Iá, bul albom – azat eldiń erkin óner­pazdarynyń torqaly toıǵa tamasha tartýy. 200 bettik kólemdi kitap-albomda Qazaqstan sýretshileriniń jańa zamanda jańasha jazylǵan týyndylary top­­tastyrylǵan. Mundaǵy shyǵarmalarǵa, annotasııada aıtylǵanyndaı, erkindikti ańsaǵan ult tulǵalarynyń arman-ańsa­ry, yntymaq pen tatýlyqty murat tut­qan buqara halyq beınesi, ómirdiń ózegi – mahabbat pen súıispenshilik arqaý bol­­ǵan. Albomdaǵy kartınalardyń deń­geıi Qazaqstan beıneleý óneriniń táýelsizdik jyldarynda kemeldik ke­ze­ńine aıaq bas­qa­nyn anyq dáleldeıdi. Ki­taptaǵy: «Qa­zaq­stan sýretshileri búgingi tańda óz eńbekterin emin-erkin dúnıeniń qaı túk­piri bolsa da aparyp kórsetip júr. Sóı­tip, Qazaq eliniń alýan túrli tabı­ǵatyn, onyń adamdary men ádet-ǵurpyn tanys­ty­ryp jatyr. Osy oraıda, shetel asqan sýretshilerdiń shyǵar­mashylyǵy Eýropamen terezesi teń be degen suraqqa mysal keltireıik. Erbolat Tólepbaı 2004 jy­ly Parıj qala­synda HH ǵasyr­dyń eń áıgili sýretshisi Salvador Dalı shyǵar­malarymen birge, óz eńbekteriniń kórme­sin ótkizdi. Bul kórme biz úshin ónerdegi qaıtalanbas sátterdiń biri bo­l­d­y» degen joldar osy oıdyń aıqyn aıǵaǵy. «Egemen-aqparat».