Iskerlik baılanystar baǵdary

Keshe Astanada «Samuryq- Qazyna» UÁQ» AQ basshysy T.Qulybaev pen Deutsche Bank AG Ortalyq jáne Shyǵys Eýropa boıynsha atqarýshy dırektory P.Tılstiń teń tóraǵa­ly­ǵymen áreket jasaıtyn Strategııalyq ynty­maq­tastyq jó­nindegi Qazaqstan-Germanııa iskerlik keńesiniń úshinshi oty­rysy bolyp ótti. Onda ınvestısııalar men olardy damytý sa­la­syndaǵy ózekti yntymaqtastyq má­seleleri talqylandy. Ulttyq ekonomıkany oıdaǵy­daı damytý óndiristi ár­ta­rap­tan­dy­rýǵa, ınnovasııalardy engizýge jáne bir mezgilde qorshaǵan or­ta­ny qorǵaýdyń qatań standart­ta­ryn saqtaýǵa tyǵyz baılanysty. Germanııada bar «tómen kómir­sý­tek­ti jasyl ekonomıkany» engizý men ekonomıkalyq problemalar­dy sheshý, sonymen qatar, qal­dyq­tardy keshendi túrde óńdeý táji­rı­besine Qazaqstan da múd­deli. Osyny eskere otyryp, «Sam­u­ryq-Qazyna» UÁQ» AQ metal­lýrgııa, hımııa jáne farmasevtıka, kólik jáne telekommýnıkasııalar, ınjınırıng jáne máshıne jasaý sektorlarynda yn­ty­maq­tas­tyqqa germanııalyq kompanııa­lardy shaqyrýda. «Birlesken hımııa kompa­nııa­sy» JShS basqarma tóraǵasy Dáý­ren Erdebaı óz sózinde dú­nıejúzilik úlesi 6 paıyz bola­tyn Germanııa hımııa ónerká­sibiniń álemdik kóshbasshy bo­lyp tabylatyndyǵyn atap ótti. Bul rette elimiz tarapy nemis hımııa ındýstrııasyn damytý men teh­nı­kalyq paketterin salý táji­rı­be­sine múddeli. Osy oraıda D.Erdebaı konsaltıng, perso­nal­dy oqy­tý jáne birlesken jobalardy qurý salasynda nemister tara­py­nan qazaqstandyq kompanııalarmen yqtımal ynty­maqtastyǵyn kórip otyrǵanyn da tilge tıek etti. Sondaı-aq óz kezeginde «Sımens Ortalyq Azııa» JShS prezıdenti Kaı Svıngenberger Qa­zaqstanda jyldam ósip kele jatqan energııa tutynysyna nazar aýdardy. Onyń derekteri boıynsha jyl saıynǵy ósim 5-6 paıyzdy quraıdy eken. K.Svıngenberger Qazaqstannyń energııa ınfraqu­ry­ly­myna ınnovasııalar men ınvestısııalar qajet dep sanaıdy. Ol elektr stansa­larynyń 65 paıyz jabdyǵy jıyrma jyldan astam, al 31 paıyzy otyz jyl­dan astam ýaqyt qoldanylyp kele jat­qanyna toqtaldy. Basqosý barysynda Indýstrııa jáne jańa tehnologııalar vıse-mınıstri Albert Raý, Germanııa Eko­no­mıkalyq klýbynyń basshysy, BASF AG kom­pa­nııasynyń ınnovasııalar jó­nindegi bas­qarýshy dı­rek­tory F.Krıýkl, «Samu­ryq-Qazyna» UÁQ» AQ basqarýshy dırektory P.Bhamre jáne «Atameken» QUEP tór­aǵa­sy A.Myrzahmetov ózara paıdaly yn­ty­maq­tastyqtyń yqtımal baǵyt­ta­ry jaı­ynda áńgimeledi. Ábdirahman QYDYRBEK.