Irgeli izdeniske laıyqty baǵa

Jýyrda Astananyń M.Gorkıı atyndaǵy orys drama teatry Ven­grııada gastroldik saparda bolyp, Rahymjan Otarbaevtyń «Sultan Beı­barys» spektaklin madıar jurtshylyǵyna kórsetip qaıtty. Bul sapar Qazaqstan Respýblı­ka­­sy Táýelsizdiginiń 20 jyldyǵy sheń­­berinde iske asqan erekshe má­­de­nı joba boldy. Teatr dırekto­ry ári kór­kemdik jetekshisi Erkin Qase­novtiń aıtýyna qaraǵanda, el Táý­elsizdiginiń 20 jyldyǵyna ar­nalǵan gastroldik jobany iske asyrýǵa Qazaqstannyń Majar­stan­­­daǵy Tó­ten­she jáne óki­let­ti elshisi Rashıd Ibraev pen Ven­grııanyń Qazaq­stan­daǵy Tótenshe já­ne ókiletti elshisi Imre Lasloskı yqpal etken bolsa, qarjylyq jáne uıymdastyrýshy­lyq jaǵy­nan Astana qalasynyń áki­mi Iman­ǵalı Tasmaǵam­betov qoldaý bildirgen eken. Qazaq­stan­dyq teatr Ven­­grııanyń júz myń­ǵa tarta turǵy­ny bar Solnok qala­synda óner kórsetti. Bir jyl buryn osynda kelgen saparynda Qazaqstannyń Ven­grııada­ǵy elshisi Rashıd Ibraev qala bas­shy­lyǵymen kezdesip, eki eldiń ara­syn­daǵy joǵary deńgeıde kelisilgen yn­tymaqtastyq jónindegi kelisim-shart sheńberinde ekono­mı­kalyq, má­denı-gýmanıtarlyq salada áriptes­tik ornatý jóninde kelisken bola­tyn. Sol jo­ly osy qalada Prezıdent N.Naza­r­baevtyń «Qazaqstan­dyq jol» atty kita­by­nyń tusaý­ke­seri de ótkizilip, «Bú­gingi Qazaqstan: halyq birligi – ulttyń eń basty jetistigi» atty fılm kórsetilgen. Astana teat­ry­­nyń myna sapary sol árip­tes­tikti odan ári tereńdetý maq­satynda ja­sal­ǵan sharalardyń biri boldy. «Sultan Beıbarys» – astanalyq orys teatrynyń shoqtyǵy bıik qo­ıy­lymdarynyń biri. Sankt-Pe­ter­­býrg­tik rejısser Andreı Kı­zılov­tyń bul spektakli astanalyq kórer­mender ta­rapynan joǵary ba­ǵasyn alǵan bo­la­tyn. Ásirese, sýretshi Qanat Mansurovtyń sah­na­lyq dekorasııa men rekvızıtter jasaýdaǵy tapqyrlyǵy jurttyń aýzynda qalǵan. Madıar elinde ejelgi qypshaq­tar urpaqtarynyń turatyndyǵy, olar­dyń tilderi men dástúrleriniń qazirgi qazaqtarǵa qatty uqsaıtyn­dy­ǵy týraly kópten belgili. Son­dyq­tan da astanalyq teatrdyń tegi qypshaq Beıbarystyń quldyqqa sa­tyl­ǵan jerinde uzaq jyldar boıy sultan bolǵandyǵy týraly oqıǵany kórsetken qoıylymy aı­ryqsha áser etti. Onyń ústine os­ynda oqıtyn júzdegen qazaq jas­tary qazaq­stan­dyq teatrdyń óne­rin tamashalaýǵa asyǵa jetken eken. Tipti bul spektakldi tama­sha­­laýǵa Eýropanyń kór­shiles mem­­le­ketterinen de qazaq­stan­dyq­tar qýana jetipti. Qoıylymǵa Vengrııa Úkimeti ta­rapynan da nazar aýdarylyp, Memlekettik hatshy Mıhaı Varga men Mádenıet mınıstri Geza Soch bas­taǵan resmı adamdar qatysty. Olar qoıylymnan soń ózderiniń rızashy­lyqtaryn bildirip, eki el­diń ara­syndaǵy mádenı qarym-qa­tynastyń jandana túsýine qyzmet etken óner ujymyna alǵys aıtty. Al eldiń eń basty memlekettik «Dýna» telear­na­sy, respýblıka­lyq jáne jergilikti BAQ bul sapardyń eldiń mádenı ómirindegi eleýli oqıǵa ekendigin atap ótti. Táýelsizdik alǵan jyldarda óz­ge el sahnalaryna shyǵyp, qazaq óne­rin kórsetip júrgen teatrla­ry­myz saýsaqpen sanarlyqtaı ǵana desek, Astana qalasyndaǵy orys dra­ma teatry birqatar jetistikterge qol jetkizip júrgenin aıta ketýimiz kerek. Olar Reseıdiń Sankt-Peter­býrg, Saran qalala­ry­nyń sahnala­ryn aıtpaǵanda, Qy­taıǵa, Ispanııa­ǵa baryp, óner kórsetip keldi. Endi, mine, ejelgi Majar eliniń sahna­syn­da da ata Qazaqtyń tarıhyna tikeleı baı­la­nysty oqıǵany baıan­daıtyn qoıy­lym­dy úlken tabyspen kórsetip qaıtty. Táýelsizdiktiń 20 jyldyǵy qar­­sańynda Elbasy N.Nazar­­baev­tyń Jar­lyǵymen teatrǵa «aka­de­mııa­lyq» mártebesiniń,  al teatr­dyń dırektory ári kórkemdik jetekshisi Erkin Qasenovke «Qazaq­stannyń eń­bek sińirgen qaırat­keri» qurmetti ataǵynyń berilýi osyndaı úzdik eńbekterge berilgen laıyqty baǵa dep bilemiz. Jaqsybaı SAMRAT.