Kók týym
Bultsyz ashyq aspanymdaı kók týym,
Tý tórinen elge nuryn tókti kún.
Tý tóbemde qalyqtady qyrandaı,
Qýanbaǵan qazaq joq qoı dál búgin.
Kóz tartady týdan ulttyq órnegim,
О́nerim ǵoı, óleńim ǵoı ol meniń.
Osy emes pe ashylǵany baǵymnyń,
О́shken janyp, tirilgeni ólgenim.
Qandaı baqyt óz týymdy kórgenim,
Kórmeı ketti qansha sabaz erlerim.
Shat bop turyp, solardy oılap qamyqtym,
Osy jolda tókken qan men terlerin.
Kóter eńse, kókke qara uly elim,
Táýelsizsiń, týmen birge túlegin.
Toımas kózim óz týyma qaraýdan
Kóterýden talmas áste bilegim.
Ata Zańym
«Túbi bir túgel sózdiń túp atasy – Maıqy bı» dep bastalǵan sózdiń basy. Shyǵarǵan Maıqy bıdiń jarǵylaryn Qoldaǵan kezinde eldiń kári-jasy. Zań bolyp «Qasymhannyń qasqa joly», Qup alyp búkil qazaq qostady ony. Shyqqanda «Eski joly Esimhannyń» О́rbitpeı otarshyldyq tastady ony. Qol jetti el derbestikke arman qylǵan, Ata Zań qabyldandy halyqshyl zań. Tilim tur onda aıtysta ádil jeńip, Mártebege memlekettik ıe bolǵan. Qorǵalar elim tutas, jerim bútin, Qol suǵyp eshkim syrttan aıtpas úkim. Zańda aıqyn mindetterim, quqyqtarym, Aqtaıtyn el úmitin, ana sútin. Qaq jarǵan qara qyldy Ata Zańym, О́zińnen ár iske aq bata alamyn. Jolyńnan seniń ádil aýytqysa, Keshirim kim de bolsa jasamaǵyn!Astanam
Saryarqada sán túzedi Astana, Maqtanysh bop kárige de, jasqa da. Qýana ber keńpeıildi qazaǵym, Bunyń bári bizge áli bastama. Bir-birimen tapqan kórkem jarastyq, Jańa úılerdiń arasynda adastyq. О́zin-ózi basqarǵan jas elime О́z qolymen salǵan ásem qala ystyq. Batys, shyǵys úlgisinen tańdalyp Salǵan úıge qarasa el tańdanyp, – Bitkeninen bastalǵany ǵajap dep Qurylystar jatyr áli jalǵanyp.Tynyshtyq
Táýelsizdik alǵan biraz elderdiń, Áli armandap, ańsaǵany – tynyshtyq. Bárin qazir bizdiń elge kelgenniń, Qushaq jaıyp qarsy alady tynyshtyq. Bizdiń sátti ár isimizdi baıqaǵan Dostyń kúder úzbegeni – tynyshtyq. Kóship ketken ózge ulttardyń qaıtadan, Oralǵanda izdegeni – tynyshtyq. Alys, jaqyn órkendegen eldermen, Sózimizdiń jarasqany – tynyshtyq. Baqyt, baılyq ornaý úshin máńgilik, Derbestikke eń keregi – tynyshtyq. Qaz basqan jas memleketti qoldaıtyn, Qazirgi eń janashyry – tynyshtyq. Bárimizdiń qyzǵyshtaı bop qorǵaıtyn, Kózimizdiń qarashyǵy – tynyshtyq. Nurly kósh Kólikti kósh, kórikti kósh – nurly kósh, Kóshken boıy tarıhqa kirdi kósh. Álemniń ár túkpirinen qozǵalyp, Betin atamekenine burdy kósh. Shynynda bul kósh ózgeden kórikti, Eli-jurty arnap enshi bólipti. Jer de daıyn, sybaǵań da tur mine, Buryn-sońdy mundaıdy kim kóripti?! Ár oblys, ár aýdan, ár aýylda, Jańa úıler sap túzep tur baýyrǵa. Egin salsań, ańyz kúter dalańda, Mal ósirseń, óris ázir taýyńda. Atyna saı bul kósh naǵyz nurly kósh, Segiz qyrly, shynaıy bir syrly kósh. «Qaıda baram, ne kún kórem» demeıdi, Týǵan eli turdy kútip erte-kesh. Jol túzeldi, sen de endi túzel kósh, Endi áliptiń artyn baǵyp túk ónbes. «Urpaǵymnan aıyrylamyn» demeseń, Biriń qalmaı qoparyla túgel kósh!Báıterek
Kóz tartyp tur Báıterek, Emes bul záýlim jáı terek. Erteden jetken ertegi Atyna zaty saı terek. Aqsha bultty jamylyp, Uıa salǵan samuryq. Balapan jylda basady Saýlyǵyn tilep qamyǵyp. Samuryq ketse jem izdep, Bir aıdahar jylda kep, Balapanyn qylǵýdy Jalmaýyz jaýyz qyldy ádet. Alystan batyr Derbestik Bul sumdyqty keldi estip. Aıdahardyń basyn shapty da Balapanǵa ómir berdi óstip. Balapandar aman ushady, Báıterek sonyń nyshany. Beıbitshilik qurdy saltanat, Elge ashyq máńgi qushaǵy.Aq bata
Elbasymyz alysty kórsin, El-jurtymyz tabysty bolsyn. Qyzdarymyz sulý, Uldarymyz namysty bolsyn! Kórshilerimiz tynysh bolsyn, Tańdaǵanymyz jumys bolsyn. Malymyz tóldep, eginimiz kóktep, Dastarqanymyzǵa yrys tolsyn! Naryq qaltany qaqpaıtyn bolsyn, Teńgemiz teńdik saqtaıtyn bolsyn. Qazaqstannyń barlyq azamattary Qazaqsha sóılep, alǵa attaıtyn bolsyn! Bankter de teńgeni toptaıtyn bolsyn, Sybaılas jemqorlyq toqtaıtyn bolsyn. Ult arazdyǵy eshqashan bolmaǵanyndaı Daǵdarys ta bizge soqpaıtyn bolsyn! Balalarymyzdyń baǵy jansyn, Qalaǵan bilimin alsyn. Tilin, dinin, dástúrin bilip, On saýsaǵynan óneri tamsyn! Mádenıetimiz mándi bolsyn, Turmysymyz sándi bolsyn. Bárin aıt ta birin aıt, Derbestigimiz máńgi bolsyn! Orazaqyn Asqar, halyqaralyq «Alash» syılyǵynyń laýreaty. Almaty.
