Abaıdyń «Jıdebaı-Bórili» qoryq-mýzeıinde uıymdastyrylyp otyrǵan kórme Elbasymyzdyń Ulttyq dombyra kúnin bekitý týraly jarǵysynyń halyq arasynda úlken qoldaý tapqanynyń kórinisi.
-Hákim Abaı qazaqtyń kez kelgen óner túrin úlken talǵammen asa joǵary baǵalap otyrǵan,-dedi Abaı mýzeıiniń qyzmetkeri Meıirjan Nurlanov,-aqyn óz tarapynan olardy damytýǵa únemi qamqorlyq jasaǵany Abaıǵa qatysty estelik eńbekterden belgili. Mańaıyna tek ánshi men kúıshini, aqyn men jyrshyny toptastyryp qana qoımaı, el ishinde on saýsaǵynan óner tamǵan ulttyq qolónerdiń úzdik úlgilerin taratýshy ustalar men zergerlerdi, aǵash sheberlerin, ismerlerdi izdestirip arnaıy tapsyrmalar berip, qurmettep, basqalarǵa úlgi etken. Abaı aýylynyń ánshisi Álmaǵambet Qapsálámuly, Ahat Shákárimuly, Áset Naımanbaıuly, Mádenıet Eshekeuly, Shákir Ábenuly, Musahan kúıshiniń dombyralary kórmeden oryn alǵan.
Sonymen qatar kórmedegi Qurmanǵazy, Dáýletkereı, Táttimbet pen Dına syndy ataqty kúıshiler týraly jáne dástúrli qazaq ónerimen halyqty sýsyndatyp júrgen óner tarlandary týraly A.Jubanovtyń «Qurmanǵazynyń kúıleri qalaı shyqqan», T.Ibragımov, S.Malaevtyń «Shyńǵystaý óńiriniń shertpeleri», Sh.Ábenulynyń «Ánim men kúıim-halqyma syıym» eńbekteri, mádenıet pen ónerge qatysty kitaptar men merzimdi basylymdar kelýshi meımandardyń qyzyǵýshylyǵyn týdyrary anyq.
Raýshan NUǴMANBEKOVA,
Sýretterdi túsirgen avtor
SEMEI
