14 qańtar – Qazaqstan Respýblıkasy EQYU tóraǵalyq qyzmetine kirisýine oraı el Prezıdenti Nursultan Nazarbaev halyqqa Úndeý joldady. Onda: «Elimiz táýelsizdik alǵan sátten bastap, óńirlik jáne jahandyq qaýipsizdikti nyǵaıtýǵa barynsha úles qosyp keledi. EQYU-nyń ózge de memleketterimen birge Shyǵys pen Batys arasyn jaqyndastyrýǵa baǵyttalǵan umtylystardy jan-jaqty qoldaımyz» delingen.
1 sáýir – Memleket basshysy Nursultan Nazarbaev Astanada salynyp jatqan qurylys nysandary «Han shatyr» saýda-oıyn-saýyq ortalyǵy men «Shabyt» shyǵarmashylyq saraıyn aralap kórdi.
26 sáýir – Astanada TMD elderi ustazdarynyń basyn qosqan I quryltaı bastaldy. Oǵan 500-ge tarta maman-ustaz qatysty.
9 mamyr – Astanada Uly Jeńistiń 65 jyldyǵyna arnalǵan saltanatty sherý ótti. Sherýge 120 soǵys ardageri bastaǵan 7 myńnan astam áskerıler qatysty.
25 mamyr – Elbasy Nursultan Nazarbaev Aqordada elimizge resmı saparmen kelgen Túrkııa prezıdenti Abdolla Gúlmen kezdesti. Memleket basshylary «Túrki órkenıeti: dáýirler jalǵastyǵy» atty mańyzdy kongreske qatysyp, qazirgi halyqaralyq Túrki akademııasyn ashty.
1 maýsym – Astanada Prezıdent Nursultan Nazarbaevtyń bastamasymen Qazaq handyǵynyń negizin salýshy Kereı jáne Jánibek handar eskertkishi ashyldy. Eskertkish salmaǵy – 16,20 tonna. Músinderdiń irgetasynan ushar basyna deıingi bıiktigi – 12 metr.
19 maýsym – Astanadaǵy Abaı kóshesi boıyna qazaqtyń bas aqyny Abaı Qunanbaevtyń eskertkishi ornatyldy. Músinniń bıiktigi – 14,750 metr, salmaǵy – 10 tonna.
27 maýsym – elordada ekshn-fılmderdiń I halyqaralyq kınofestıvali bastaldy.
28 maýsym – Astanada halyqaralyq deńgeıdegi joǵary oqý orny – Nazarbaev Ýnıversıteti ashyldy. Rásimine Elbasy Nursultan Nazarbaev qatysty.
29 maýsym – Beıbitshilik jáne kelisim saraıynda Memleket basshysy Nursultan Nazarbaevtyń qatysýymen EQYU-nyń toleranttylyq jáne kemsitpeýshilik jóninde konferensııa bolyp ótti.
5 shilde – Astanada Eýrazııalyq ekonomıkalyq qoǵamdastyq keńesiniń memleketaralyq 27 májilisi ótti.
6 shilde – qala merekesimen oraılas elordada Elbasy N.Nazarbaevtyń qatysýymen áıgili sáýletshi Norman Fosterdiń jobasy negizinde salynǵan «Han shatyr» saýda-oıyn-saýyq ortalyǵy ashyldy.
30 tamyz – Astanadaǵy «Qazaq eli» monýmenti alańynda el Konstıtýsııasynyń 15 jyldyǵyna arnalǵan áskerı sherý ótti. Oǵan Elbasy – Qazaqstan Qarýly Kúshteriniń Joǵarǵy Bas qolbasshysy Nursultan Nazarbaev qatysty.
18 qazan – Astanada alǵash ret Búkilálemdik rýhanı-mádenı forým bastaldy. Oǵan 500-ge jýyq delegat qatysty. Olardyń arasynda «Oskar» syılyǵynyń ıegeri Edrıan Broýdı, t.b. tanymal tulǵalar boldy.
3 qarasha – Astananyń Indýstrııalyq parkinde beton jáne temirbeton ónimderin shyǵaratyn jańa zaýyt iske qosyldy. Kásiporyndy «Qazaqstan damý banki», «Naıza qurylys konserni» JShS jáne «Sesna korporasııasy» AQ birlesip qarjylandyrdy.
1 jeltoqsan – Astanada EQYU elderi memleket basshylarynyń sammıti bastaldy. Sammıtke 65 eldiń delegasııasy, sonyń ishinde 28 memlekettiń prezıdenti, 10 eldiń premer-mınıstri jáne bedeldi halyqaralyq uıymdardyń ókilderi qatysty.
13 jeltoqsan – Memleket basshysy Nursultan Nazarbaev elordada halyqaralyq standartqa saı salynyp jatqan velotrek ǵımaratynda bolyp, «Astana» velokomandasy men Qazaqstan velosport federasııasy basshylarymen kezdesti.
15 jeltoqsan – Táýelsizdik saraıynda Qazaqstan Respýblıkasynyń Táýelsizdik kúnine arnalǵan saltanatty jınalys ótip, Elbasy Nursultan Nazarbaev sóz sóıledi.
31 jeltoqsan – Astana jáne Almaty qalalarynda VII Qysqy Azıada oıyndary bastaldy. Oǵan Azııanyń 27 memleketinen 1000-nan astam sportshy qatysty. Qazaqstan quramasy 32 altyn, 21 kúmis, 17 qola medalǵa ıe bolyp, jeńimpaz atandy.
Daıyndaǵan
Beken QAIRATULY,
«Egemen Qazaqstan»
