Jańa ǵımarattyń aýmaǵy 277 sharshymetrdi alyp jatyr. Bul jerde jergilikti 15 turǵyn turaqty jumyspen qamtylǵan. Bir ereksheligi – jańa balabaqshada búldirshinder keshki 8-ge deıin bola alady. Munyń ózi aýyl turǵyndary úshin óte qolaıly bolyp otyr.
Balabaqshanyń ashylý saltanatynda sóz alǵan Aqjaıyq aýdanynyń ákimi Ádil Jolamanov Chapaev aýylynda balabaqsha kezeginde turǵan sábılerdiń sany 523-ke jetkenin aıtty. Aýylda buǵan deıin «Jibek», «Aıana» atty jeke balabaqsha qyzmet etetin. Endi, mine, memleket pen jeke kásipkerdiń seriktestigi negizinde taǵy bir balabaqsha esigin aıqara ashty. Osylaısha aýylda balabaqshaǵa degen zárýlik azaıyp keledi.
- Jańa balabaqshada bolashaqta robot tehnıkasy úıirmesin ashý josparda bar. Aýylda 15 jyldan beri kásipkerlikpen aınalysyp kele jatqan Álııa Serikqyzynyń bastamalaryna jergilikti bılik ókilderi árdaıym qoldaý kórsetedi, - deıdi Aqjaıyq aýdany ákiminiń orynbasary Tilek Ǵabdýshev.
Qazbek QUTTYMURATULY,
«Egemen Qazaqstan»
Batys Qazaqstan
Sýretti túsirgen Nurbek IHSAN
