...usynys jasaıdy
Keshendi eskertkishter ornatylsa
Elimizde bizdiń bastapqy memleket bolýymyzdyń negizin qalaǵan Kereı men Jánibekke, keıingi Abylaı men Kenesary handarǵa eskertkishter ornatylǵan. Jalpy, qazaqtyń handaryna, bostandyq úshin basyn tikken batyrlarymyzǵa jer-jerlerde eskertkishter, músinder, basqa da belgiler qoıylǵan, qoıylyp jatyr. Aıtpaǵym – Qasym han, Áz Táýke jáne Abylaı úsheýine arnalǵan birtutas keshendi eskertkish ornatylsa. Birtutas eskertkishti aıbyndy Astanada, azattyq alaýyn jaqqan Almatyda, ult uıytqysy Ulytaýda nemese qazaqtyń qasıetti de kıeli oryndarynyń bireýine, tipti birneshe jerge ornatsa olqymyz tolyp, utpasaq utylmas edik. Olar bizdiń basty baılyǵymyz – birlikke shaqyryp turatyn kıeli keshen, mereıli meken bolar edi. О́zim bastaýysh synyp ustazy bolǵanymmen, aıtqyr atalardyń, ázız ájelerdiń áldıimen eseıip, tekti tilimizdi, álemdik deńgeıdegi aýyz ádebıetimizdi, tereń tarıhymyzdy oqyp óskendikten el birligi men bolashaǵyn bárinen joǵary qoıamyn.
Farıza AQNAZAROVA,
№9 orta mekteptiń bastaýysh synyp muǵalimi
Aqmola oblysy,
Stepnogor qalasy
...áserimen bólisedi
Ámire týraly ádebı kesh
S.Jıenbaev atyndaǵy jasóspirimder kitaphanasynda «Ámire – án kóginiń aınasy» atty Ámire Qashaýbaevtyń 130 jyldyǵyna arnalǵan ádebı-beıne saǵaty ótti. Ámire Qashaýbaıuly HIH ǵasyrdyń aıaǵy men HH ǵasyrdyń basynda áýelegen ánimen adamzat balasyn tańdandyrǵan, qaıtalanbas uly ánshi. Qazaq mýzykasyndaǵy Ámireniń alatyn orny – Birjan sal, Aqan seri, Muhıt, Jarylǵapberdi, Mádı syndy zamana tulǵalarynyń ánshilik dástúrin keńestik kezeńge jalǵastyryp, jetkizip berýinde bolyp tabylady. Qatarlas áriptesi Elýbaı О́mirzaqov Ámireni «samorodnyı sary altyn» degeni bar.
Qazaqstan Jazýshylar odaǵynyń múshesi Balnııaz Ajnııazov oqyrmandarǵa ánshi jóninde ózi biletin málimetterimen bólisip, sharaǵa qatysýshylar Ámireniń óz daýysymen shyrqaǵan «Balqadısha» ánin tyńdap, «Ámire Qashaýbaev» derekti fılmi kórsetildi.
Sondaı-aq «Ult óneriniń maqtanyshy» kitap kórmesi daıyndalyp, Ámire Qashaýbaev jónindegi kitaptar men baspasóz betinde jarııalanǵan maqalalar qoıyldy. Kitaphana qyzmetkeri Lazzat Býltekova baspasóz betinde jarııalanǵan Ámire Qashaýbaev týraly maqalalarǵa sholý jasap, «О́mir-aı» gazetinde jaryq kórgen «Ámireniń jumbaq ólimi» maqalasyn kópshilikke oqyp berdi. Parıj aspanyn ánge bólegen Ámire týraly ótken kitaphanadaǵy ádebı-beıne saǵat kóp oqyrmanǵa jaqsy málimetter berdi degen oıdamyz.
Larısa QURYMBAEVA,
S.Jıenbaev atyndaǵy oblystyq jasóspirimder kitaphanasynyń qyzmetkeri
Aqtóbe
...maqtan tutady
Ońtústik Koreıadan júldeli oraldy
Qazirgi zaman muǵaliminen tek óz pánin tereń bilý ǵana emes, odan joǵary kásibı biliktilik, óz múmkindikterin júzege asyra alatyn shyǵarmashyl tulǵany qalyptastyrý, daryndy balalardy tárbıeleý sheberligi sııaqty qasıetter de talap etiledi. Osyndaı qoǵamdyq mindetti arqalaǵan Býrabaı aýdany, Shýche qalasy №9 mektep-gımnazııasynda daryndy oqýshylarmen jumys jaqsy jolǵa qoıylǵan. «Zerde» kishi ǵylym akademııasy jas jetkinshekterdi mektep qabyrǵasynan bastap ǵylymı joba jazýǵa úıretý men ǵylymı oı-órisin damytý jolynda nátıjeli jumys jasap keledi. Jýyrda 10- synyp oqýshysy Ádil Shabdenov Ońtústik Koreıanyń Taedjon qalasynda ótken «Jas ǵalym» halyqaralyq ǵylymı joba qorǵaý konkýrsynda «Saýmal sútten jasalǵan shıpaly balmuzdaq» taqyrybynda ǵylymı joba qorǵap, júldeli I orynǵa ıe boldy. Uıymdastyrýshylardyń sheshimi boıynsha Ádil Shabdenovqa Taedjon qalasyndaǵy Solbrıdj bıznes ýnıversıtetinde oqýǵa 60 paıyzdyq jeńildik tabystaldy. Osy jobany jazý barysynda úlken qoldaý kórsetken mektep dırektory Bıbigúl Kúshekovaǵa alǵysymyz sheksiz. Bilikti ustaz ben bilimdi shákirt bilim ordasynyń maqtanyshy.
Baıan BEKETAI,
№9 mektep-gımnazııasy dırektorynyń beıindi oqytý jónindegi orynbasary
Aqmola oblysy
...oı aıtady
Syılyq jataqhana salýǵa jeter me edi...
Biz stýdent kezimizde jataqhanada turdyq. Úıimiz el astanasynan alysta. Sabaqqa óz úıinen keletin astanalyq dostarymyzǵa qyzyǵamyz. Al olar bizge qyzyǵady. Qaısybiri bólmemizge kelip qonyp ketip júretin. Jataqhananyń óz qyzyǵy men dýmany kóp qoı. Degenmen qıyndyǵy da bolmaı turmaıtyn. Sol kezde «men kórgen qıyndyqty balalarym sezbeı ósýleri úshin qaıtken kúnde provınsııada turmaýym kerek» dep ishteı ant-sý ishetinmin. Alla oǵan da jetkizdi. Qudaıǵa shúkir, balalarym óz úıimizde turyp oqydy. Jataqhananyń ne ekenin bilmeı ósti. Kúzdiń osyndaı surǵylt, salqyn kúnderi búrseńdep sabaqtan kele jatqan stýdentti kórgende, qyryq jyl burynǵy óz halim eske túsip birtúrli aıap ketemin. Ətteń qol qysqa. Astanada stýdentterge jataqhana jetispeıdi. Ər jerde pəter jaldap artynyp-tartynyp júrgeni. Əlginde ǵana jol jıeginde búrseń qaqqan bir tobyn kózim shaldy. «Shirkin-aı, Nobel syılyǵyn alsam, osylarǵa bir jataqhana salýǵa sol qarjy jeter me eken? Maǵan aqshasynyń keregi ne, ataǵy da jetkilikti ǵoı» degen oı kelgeni. «Kóńil júırik pe, kók dónen júırik pe» dep osyndaıda aıtylǵan shyǵar...
Qýandyq ShAMAHAIULY
ASTANA
...jańalyǵyn jetkizedi
Ázil-syqaq otaýlarynyń saıysy
Jýyrda Shıeli aýdandyq mádenıet úıinde «Minekeı Meıirmannyń izbasarlary» atty ázil-syqaq otaýlarynyń respýblıkalyq baıqaýy ótti. Osymen tórtinshi márte ótkizilip otyrǵan aıtýly sharaǵa Qyzylorda oblysynyń aýdandarynan ózge Jambyl, Túrkistan, Batys Qazaqstan jáne Mańǵystaý oblystarynan óner ujymdary kelip, belgili akter Meıirman Nurekeev atyndaǵy júldeni sarapqa saldy.
Sharaǵa belgili ázilkesh Qanat Áljapparov bastaǵan qazylar alqasy tórelik etti. Qorytyndysynda Jańaqorǵan aýdanynyń «Kúlemiz-aý, qaıtemiz» atty ázil-syqaq otaýy bas júldeni jeńip alsa, birinshi orynǵa Jambyl oblysynan kelgen «Kúlki shańyraǵy» tamasha oıyn-saýyq otaýy ıe boldy. Ekinshi orynǵa Qyzylorda qalasynyń «Mereke dýman» halyqtyq ázil otaýy kóterildi. Al úshinshi oryndy Aral aýdanynyń «Tamasha» halyqtyq ázil-syqaq otaýy men Shıeli aýdany, Alǵabas aýyldyq klýby janynan qurylǵan «Qytyq» halyqtyq ázil-syqaq otaýlary ózara bólisti.
Oblystyq halyq shyǵarmashylyǵyn damytý jáne mádenı-prodıýsserlik ortalyǵy men Shıeli aýdandyq mádenıet jáne tilderdi damytý bóliminiń sharany joǵary deńgeıde uıymdastyrǵanyna barlyq qatysýshy da, kórermender de tánti boldy.
Nurmahan ELTAI
Qyzylorda oblysy
