Halyq tilegi – tynyshtyq edi ǵoı...

16 jeltoqsan kúni Jańaózen qalasynda keleńsiz jaǵdaı oryn aldy. Ortalyq alańda merekelik  sharalar ótip jatqanda bir top jas­tar alańǵa tigilgen kıiz úı­lerdi, merekelik sahnany jáne ja­ńajyldyq shyrshany qıratyp, is-sharanyń odan ári ótýine kedergi keltirdi. Ha­lyqqa kóterińki kóńil-kúı, án-jyr syılaǵaly turǵan qyz­metkerlerge jazyqsyz jábir kór­setti. Olardyń jalpy sany a­l­ǵashqy myńdyqtan bes myńǵa deıin jetkende tártip­sizdik odan ári etek alyp, quqyq qorǵaý organ­da­ryna da qarsy áre­ketter jasaldy. Túrli som temir, sýyq qarýlarmen, tipti, myltyqpen qarýlanǵan top qalalyq ákimdik úıin, «О́zen­mu­naıgaz» óndiristik fı­­lıalynyń keńsesin, bes jul­dyz­dy «Arýana» qonaq úıin qıratyp, otqa orantty. Jeke azamattardyń 42 dúkeni, eki turǵyn úı, qaladaǵy iri saýda or­yndary, «Sholpan», «At­lanta», «Tehnodom», ondaǵan bankomattar órtenip, qıratylyp, dúnıe-múlik, azyq-túlikter talan-tarajǵa tústi. Polısııa qyzmet­ker­le­rine tártip­sizdikti toqtatyp, adam­­dardy qor­ǵaý maqsatynda qarý qoldanýǵa týra kelgen. Sonyń ná­tıjesinde al­ań­daǵy, kóshelerdegi qaqtyǵystar sal­darynan 10 adam qaza taýyp, 70-ten astam adam ja­raqattandy. Oqıǵanyń órshı tús­ke­ni sol, tipti keıbir azamattardyń av­tokólikteri toqtatylyp, ózderi to­naldy, dedi jýrnalıstermen áńgi­me­de oblys­tyq ishki ister departamenti bas­ty­ǵynyń orynbasary, polısııa polkovnıgi T.Musahanov. Qa­lalyq aýrýhanada bolǵanymyzda jara­qat alyp túskenderge tıisti kómek óz dárejesinde berilip jat­qan­dy­ǵyna kýá boldyq. Ol ju­mys­tar jaıly Qazaqstan Respýblıkasy Den­saý­lyq saqtaý mınıstrliginiń jaýap­ty hatshysy S.Mýsınov myr­­­za ja­raqat alǵandarǵa tıisti kó­mek berý úshin Astananyń ózinen 18 dá­riger kelgendigin, jaraqat al­ǵandar úshin qajetti dári-dár­mekter de, mamandar da jetkilikti ekendigin aıtty. Ishki ister mınıstri Q.Qasymov, oblys basshysy Q.Kósherbaev bas­taǵan toppen birge keshe Jańa­ózen­de bolǵanymyzda basshylardyń kún­diz-túni uıymdas­ty­rý, kómek kórsetý sharalarymen aınalysyp, halyqtyń amandyǵy men eldiń tynyshtyǵyn ornyq­ty­rý úshin ju­mystar júrgizýde ekendigin baıqa­dyq. Jáne de oblys basshysy bul iste ishki ister bas­qarmalary qyz­met­kerleriniń jan­qııarlyq eńbek­terin atap kórsetti. Jaraqat al­ǵan­darǵa tıisti kómek berilýde ekendigin jetkizdi. Dál qazir halyqtyń tynyshtyǵyn saq­taý úshin barlyq jaǵdaılar jasal­ǵandyǵyn aıtty. Qazir qoǵamdyq tártipti buzǵan 100-den astam jastar ustalyp, tergeý amaldary júr­gizilýde. Munaıshy­­lar ordasy atanǵan Jańaózen halqy bú­ginderi osyndaı qıyn sátterdi bastan ót­kerip otyr. Bizben kezdesken tur­ǵyndar aq tilekteri el tynysh­ty­ǵy ekendigin bildirip, aldaǵy kún­­der­den tek qana jaqsylyq kú­tý­de. Olarǵa biz de sony tileımiz. Jolaman BOShALAQ,«Egemen Qazaqstan». Mańǵystaý oblysy.