Igiligimizdiń bastaý qaınary

Elbasy Nursultan Nazar­baev­tyń kez kelgen keleli jı­yndy «Qymbatty otandastar! Ardaqty aǵaıyn!» degen júrek jylytar sózdermen bas­taı­tynynyń mazmun-tálimi mol. Al, Táýelsiz­di­gi­mizdiń 20 jyldyǵyn atap ótý saltanatynda bul sóz­derdiń qudiret máni tereń aıshyqtalyp, barshamyzdyń kóńilimizdi ósirip, qýanysh shashyp turdy. Biz Tuńǵysh Prezıdentimizdiń – Ult kóshbasshysynyń boıyndaǵy asyl qasıetterdiń ózinen Táýelsizdik uǵymynyń qanshalyqty qymbat ekendigin tereń túısindik. Kóne tarıh adamzat armanynyń oryndalar tusyn da meńzeı biledi. Halyq úshin azattyq, táýelsizdikten artyq baqyt joq. Babalar kóksegen kók baıraqty aspandatý bizdiń zamanymyzdyń enshisine tıdi. Ol da aspannan túse qalǵan joq. Prezıdent aıtqandaı, elimiz tarıh aldyndaǵy jaýapkershilikti adal atqaryp keledi. Bul joǵary baǵa. Áıtkenmen, erteńdi eńselendirý úshin eren sharýa tyndyrý kerek. «Bizdiń aldymyzda táýelsizdikti qorǵaý, tatýlyqty saqtaý, turaqtylyqty ornyqtyrý sııaqty asa kúrdeli tarıhı ister tur» dedi Nursultan Ábishuly. Sózinde senim bar. Shyndyǵynda, almaǵaıyp kezeńde álemdi aýzyna qaratqan memleket qura bilgen qazaqstandyqtar Táýelsizdikti táý etip, qolǵa qonǵan baqytty qadirleı biletini sháksiz. Biz juldyzdy jıyrma jyldyń qýanyshyna bólengen halyqpyz. Baqyt pen qýanysh baǵalaǵannyń basynda turady. Elbasynyń dáýir tórindegi osynaý danyshpandyq sózderi naqty istermen jalǵasyp, janymyzdy jadyrata beretinine senip qana qoımaı, bilek sybana úles qosýymyz qajet, aǵaıyn. Árdaıym ordaly Otanymyzben maqtanyp júreıik! Qýanysh NURSADYQOV, kásipker, aýdandyq máslıhattyń depýtaty.  Aqmola oblysy, Aqkól aýdany.