Sapar jaıyn aıtty

Jalpyulttyq so­sıal-demokratııalyq par­tııasynyń 18 adamnan quralǵan komıs­sııasy­nyń bir­qatar músheleri 21 jeltoqsan kúni Aqtaý qalasyna kelip jetti. Osy sa­par­dyń jaı-japsaryn bilmekke Jalpyult­tyq so­sıal-demokratııalyq partııasynyń teń tór­aǵasy Bolat Ábilovpen baılanysqa shyqqan edik. Ol tómendegideı jáıtterdi málimdedi. – Biz áýejaıdan birden  ákimdiktiń al­dyn­daǵy Yntymaq alańyna keldik. Bul jer­de 200-deı munaıshy tur eken. Olar: «О́mirzaq Shókeevpen kezdestik jáne ol kisi bizge jańa jumyspen qamtamasyz etýge ýáde berdi. Biraq, biz tek burynǵy jumys oryndarymyzǵa qaıta oralǵymyz keletinin jetkizdik», deıdi. Osydan keıin bizdi oblys ákiminiń birinshi orynbasary Qanybek Jumashev degen kisi qabyldady. Ol kisi Jańaózen máse­le­si­ne oraı óz pikirin aıtty. Biz de óz tarap­y­myz­dan maqsatymyz – Jańaózendegi jergilikti bılikpen jáne munaıshylarmen tikeleı júzdesip,  pikirlesý ekendigin bildirdik. Jetibaı degen jerge jetkende  blok-postta polısııa qyzmetkerleri bizdi toqtatyp, ári qaraı jibergen joq. Ol jerde 15 shaqty áskerı adam tur. Bir saǵattaı kútýge týra keldi. Mılısııa maıory keshirim surap, bizge eshkimdi jibermeýge tapsyrma  keldi, dep ári qaraı barýǵa ruqsat bermedi. Sodan keıin Aqtaýǵa qaıtýǵa májbúr boldyq, – dedi Bolat Ábilov. Onyń tótenshe jaǵdaı jarııalanǵan qaladaǵy erekshelikti durys túsingeni de quptarlyq deýge bolady. – Jańaózen máselesiniń aqıqaty bir kúnde ashylmaıdy. Qolymyzdan kelgenshe osy iske aralasyp, kómegimizdi bergimiz keledi. Aramyzda táýelsiz qoǵamdyq komıssııa músheleri Rysbek Sársenbaıuly, Gúl­jan Erǵalıeva, Vladımır Kozlov, Muhtar Taıjan men jýrnalıster bar, – dedi partııanyń teń tóraǵasy odan ári. Al aldaǵy saılaýǵa qatysty taıaý kúnderi bul partııa jetekshileri taǵy da bir toqaılasyp,  qandaı sharalar atqaratyn­dyǵyn oılasyp, josparda turǵan sharýalardy «pisire» túspek. Aınash ESALI. ALMATY.