Onyń kepili – halqymyzdyń danalyǵy, elimizdiń birligi
* * *
BEREKEŃ KETSE, NEŃ QALAR?!
Shyǵys Qazaqstan oblysy jastarynyń qurby-qurdastaryna úndeýi
Shyǵys Qazaqstan oblysynyń jastary Jańaózende oryn alǵan tártipsizdik barysynda qaza tapqandardyń otbasylaryna jáne zardap shekken azamattarǵa qaıǵyryp kóńil aıtady. Bul qaıǵy-qasiretti búkil qazaqstandyqtar bólisip otyr. Beıbit turǵyndarǵa jasalǵan zorlyq-zombylyq, ony saıası maqsattarǵa paıdalaný – zańǵa qaıshy mundaı áreketterdi eshqashan aqtaýǵa bolmaıdy. Buzaqylyq pen qatygezdik túıindi máseleni tarqatyp, ádil sheshim qabyldaýǵa eshýaqytta áser etken emes. Bereke men birlik, kelisim men keshirim qazaqtyń boıynda ejelden bar qasıet. Qustar ketse, kól qalar, Bekter ketse, bel qalar, Berekeń ketse, neń qalar?! – degen qazaqtyń máteli de osy qasıetti meńzese kerek. О́kinishtisi sol, el sengen jastarymyz essizdikke urynyp, búlikke boı aldyryp qaldy. Ata-babamyz naızanyń ushymen, bilektiń kúshimen qorǵaǵan, Alash ardaqtylary aıaýly janyn qıyp, arman etken asyl qundylyqtarymyzdy, eldegi aırandaı uıyǵan bereke-birliktiń shyrqyn buzýǵa eshkimniń haqy joq. Jastardyń boıyndaǵy jastyq jiger men jastyq jalyn berekeni ketirý úshin emes, keltirý úshin, tynyshtyqty shaıqaltý úshin emes, shattyqty ornatý úshin berilgenin esten shyǵarýǵa tıis emespiz. Qurbylarymyzdy kúmándi usynys pen kúdikti shaqyrýlardan bas tartyp, eldiń shyrqyn buzýdan aýlaq bolýǵa shaqyramyz. Árbir jas kez kelgen iste azamattyq ustanymyna berik, ult tynyshtyǵyn saqtaý jolyndaǵy qadamyna bekem bolǵany lázim. Biz, Qazaqstan jastary, el bolashaǵy, ult keleshegi jolynda úlken jaýapkershilikke ıe ekenimizdi esten shyǵarmaıyq! Dostar, senimdi jáne shapshań, qan tógissiz jáne kataklızmdersiz damyp kele jatqan, myqty jáne turaqty Qazaqstan – bul bizdiń tańdaýymyz. Bul tańdaýdy biz el bolashaǵy úshin jasadyq – bizdiń bolashaǵymyz úshin. О́skemen.
