Merekelik sharanyń ashylý saltanatyna «Dınamo» dene shynyqtyrý-sport qoǵamy ortalyq keńesi tóraǵasynyń birinshi orynbasary Asqar Omarqulov, vedomstvolar men quqyq qorǵaý organdarynyń ókilderi, tanymal sportshylar qatysty. 93 jastaǵy soǵys, eńbek ardageri Stepan Bashkırov óz sózinde jınalǵandardy sportpen júıeli túrde aınalysýǵa, salamatty ómir súrýge úndedi.
«Oblys sport salasyn damytýǵa jan-jaqty kóńil bólip keledi. Petropavlda Aleksandr Vınokýrov atyndaǵy ámbebap sport saraıy boı kóterdi. Jaqynda zamanaýı tennıs ortalyǵy ashylady», dedi oblysy ákiminiń birinshi orynbasary Aıdarbek Saparov.
Jergilikti polısııa qyzmeti jol-patrýldik polısııa batalonynyń qyzmetkerlerine jańa qyzmettik kólikterdiń kiltteri tabys etildi. 11 kólikti alýǵa jergilikti qazynadan 52 mıllıon teńge bólindi.
Ashyq chempıonat shymyldyǵyn Soltústik Qazaqstan men Astana qalasy komandalary ashty. Elordalyqtar 4:1 esebimen jeńiske jetti.Basqa kezdesýler de asa tartysty ótti. Jarys erteń aıaqtalady.
О́mir Esqalı,
«Egemen Qazaqstan»
Soltústik Qazaqstan oblysy
