«2018 jylǵy 30 tamyz kúni saǵat 18:23-te QR Densaýlyq saqtaý mınıstrligi jáne QR Syrtqy ister mınıstrliginiń jedel sharalarynyń nátıjesinde, sanıtarııalyq avıasııa naýqasty Almatynyń №4 qalalyq aýrýhanasyna jetkizdi. Ushý kezinde naýqastyń jaǵdaıyn medısına mamandary: QR sanıtarııalyq avıasııasynyń kóshpeli brıgadasy jáne Almatynyń №4 qalalyq aýrýhanasynyń dáriger-travmatology baqylap otyrdy. Qazir onyń jaǵdaıy turaqty», - delingen habarlamada.
Qazir naýqasty Almaty aýrýhanasynyń dárigerleri qarap jatyr.
Eske sala keteıik, 2018 jylǵy 23 tamyz kúni 1943 jyly týǵan Qazaqstan azamaty Reseıdiń Altaı ólkesinde Chıke-Taman asýynda jol apatynda zardap shegip, aýyr halde Taýly Altaı qalasy respýblıkalyq aýrýhanasynyń jansaqtaý bólimine jetkizilgen bolatyn. Sol jerde naýqas komaǵa túsken. Keıinnen esin jınap, sóıleı bastaǵan.
«Reseılik mamandardyń qorytyndysyna sáıkes, zardap shegýshi aýyr jaraqattar alǵan, soǵan baılanysty medısına qyzmetkerleriniń qadaǵalaýymen sanıtarııalyq avıasııa arqyly jetkizilýi tıis bolǵan», - deıdi QR Densaýlyq saqtaý mınıstrliginiń ókilderi.
