«Shamamen 70 jyl buryn, 1949 jylǵy 29 tamyzda, Keńes Odaǵy Semeı polıgonynda óziniń birinshi ıadrolyq jarylǵysh qurylǵysyn jardy. Kelesi qyryq jyl ishinde Semeıde adamdar, sonymen qatar olardyń qorshaǵan ortasy úshin jan túrshigerlik saldary bar 456 ıadrolyq synaq ótkizildi. 1991 jylǵy 29 tamyzda, Prezıdent Nursultan Nazarbaev Semeı ıadrolyq polıgonyn birjola japty. Sonymen qatar, Qazaqstan barlyǵyna úlgi kórsetip, álemdegi kólemi boıynsha ıadrolyq qarýdyń tórtinshi arsenalynan erkin túrde bas tartty. Qazaqstannyń arqasynda 29 tamyz kúni Iаdrolyq synaqtarǵa qarsy is-qımyldyń Halyqaralyq kúni retinde atap ótilýde», - dedi uıym basshysy.
L. Zerbo IаSJTShU-nyń ıadrolyq synaqtardy boldyrmaý maqsatynda kúndelikti tynbaı jumys jasaýda ekendigine sendirdi. Ol Astana konferensııasynyń biregeı ekendigin de atap ótti, sebebi, konferensııa alǵash ret Jastar tobynyń jáne IаSJTShU Bedeldi qaıratkerleri tobynyń basyn qosty. Osy toptar birlesip, IаSJTShU kúshine enýine járdemdesý jáne qaýipsizdiktiń jappaı jahandyq arhıtektýrasyn qamtamasyz etý úshin óz kúsh-jigerlerin qalaı biriktirýge bolatynyn talqylaıdy.
«Prezıdent N.Nazarbaev aıtqandaı, ıadrolyq qarýdyń jáne ıadrolyq synaqtardyń saldary ýaqytta, keńistikte bolmasyn, shektelýi múmkin emes. Bul – jahandyq yntymaqtastyqty jáne urpaqtar arasyndaǵy ózara is-qımyldy talap etetin jahandyq másele», - dedi Atqarýshy hatshy.
L. Zerbo Astana konferensııasynyń IаSJTSh-ty odan ári ilgeriletýde mańyzdy serpin beretinine senim bildirdi.
«Konferensııa Iаdrolyq qarýdy taratpaý shartyn qoldanýdy qarastyrý jónindegi 2020 jylǵy Konferensııa úshin 2019 jyldyń Daıyndaýshy komıteti jáne Koreı túbegindegi jaǵdaı sııaqty ózekti máselelerge arnalǵan. Sonymen qatar, biz Qazaqstannyń ıadrolyq synaqtarǵa tyıym salýdy ilgeriletýdegi jetekshi róli týraly aıtatyn bolamyz», - dedi ol.
Konferensııa baǵdarlamasy IаSJTShU delegasııasynyń QR Ulttyq ıadrolyq ortalyǵyna, geofızıkalyq zertteýler ınstıtýtyna jáne Kýrchatov qalasyndaǵy basqa da nysandardy aralaýmen jalǵasady.
