Jolaqyny QR-kodpen tóleý «SMSBus Jolaýshy», «Moı Beeline» (eger Beeline abonenti bolsańyz), Homebank (eger sizde Halyk Bank jáne Qazkom kartalary bolsa) mobıldi qosymshalary arqyly júrgiziledi.
«Úsh qosymshanyń birin smartfonnan ashyńyz da, avtobýs salonyndaǵy QR-kod japsyrmasyn izdep tabyńyz. QR-kodty skanerlegen soń, qosymshadaǵy nusqaýlyqtardy oryndańyz. Tólemdi rastaǵan soń, telefon nómirińizge elektrondy chegi bar SMS-habarlama keledi», - dep jazdy Astana LRT kompanııasynyń baspasóz hatshysy Naýat Azanbaeva Feısbýk paraqshasynda.
Homebank arqyly tólegende elektrondy túbirtekti https://smsbus.kz/bilet saıtynan júktep alý qajet. Onda telefon nómirińizdi engizip, kilt sóz retinde kartańyzdyń sońǵy tórt sıfryn jazý kerek.
